كوروناۆيرۋس: سينگاپۋر بانكى 300 ادامدى ەۆاكۋاتسيالادى
09:09, 13 - اقپان 2020
نۇر- سۇلتان. قازاقپارات - سينگاپۋر بانكى ءبىر قىزمەتكەرىنەن كوروناۆيرۋس انىقتاعاننان كەيىن 300 ادامدى ەۆاكۋاتسيالادى، دەپ حابارلايدى قازاقپارات BBC - گە سىلتەمە جاساپ.
«ەۆاكۋاتسيالانعان 300 ادام كوروناۆيرۋسقا شالدىققان قىزمەتكەرمەن ءبىر قاباتتا جۇمىس ىستەگەن. ولارعا ۇيدەن جۇمىس ىستەۋگە مۇمكىندىك بەرىلدى»، - دەپ جازادى BBC .
باسىلىمنىڭ حابارلاۋىنشا، بانك اۋرۋعا شالدىققان ادامعا بارىنشا قولداۋ كورسەتەتىنىن مالىمدەگەن. سونىمەن قاتار ول اداممەن قارىم- قاتىناستا بولعاندار تەكسەرىلىپ جاتىر.
ايتا كەتۋ كەرەك، سينگاپۋردە كوروناۆيرۋسقا شالدىققاندار سانى 47-گە جەتتى. بۇل قىتايدان تىس جەردەگى ەڭ ۇلكەن كوسەتكىش. جالپى قىتايدا 44 مىڭنان استام ادام كوروناۆيرۋسقا شالدىققان. سونىمەن قاتار الەمنىڭ 20 ەلىندە كوروناۆيرۋس دياگنوزى قويىلعان ادامدار بار. ال سارسەنبى كۇنى قىتاي بيلىگى سوڭعى ەكى اپتادا كوروناۆيرۋس جۇقتىرۋدىڭ جاڭا جاعدايى از تىركەلگەنىن مالىمدەدى.
اۆتور ايكۇمىس بولاتبەك