مانيلا اۋەجايى ۋاقىتشا جۇمىس ىستەمەي تۇر، دەپ حابارلايدى دەپ حابارلايدى قازاقپارات dw.com سايتىنا سىلتەمە جاساپ.
جەكسەنبى، 12-قاڭتاردا مانيلادان وڭتۇستىككە قاراي 80 شاقىرىم جەردە ورنالاسقان تاال جانارتاۋى ويانىپ، ءبىر شاقىرىم بيىكتىككە كۇل اتقىلادى.
سان-نيكولاس، بالەتە جانە تاليساي ەلدى مەكەندەرىندەگى التى مىڭنان استام ادام كەتۋگە ءماجبۇر بولىپ وتىر. باتانگاس پروۆينسياسىندا تاياۋ كۇندەرى 300 مىڭ ادام ەۆاكۋاتسيالانۋى مۇمكىن. ازىرگە تابيعات اپاتىنان ەشكىم زارداپ شەكپەدى.
جانارتاۋ اۋدانىندا ماگنيتۋداسى 3,9 دەڭگەيگە جەتەتىن جەر سىلكىنىسى تىركەلدى. بۇل ايماقتاعى قاۋىپتىلىك دەڭگەيى بەس بالدىق شكالا بويىنشا ءبىر كۇننىڭ ىشىندە ەكىنشى دەڭگەيدەن ءتورتىنشى دەڭگەيگە كوتەرىلدى. مانيلا اۋەجايى ۋاقىتشا قىزمەتىن توقتاتتى. سەيسمولوگتاردىڭ مالىمەتىنشە، تاياۋ ۋاقىتتا جانارتاۋ اتقىلاۋى ىقتيمال.