پورتۋگاليالىق زەرتتەۋشىلەر تاپقان جاعالى اكۋلا اتلانت مۇحيتىندا وسىدان 80 ميلليون جىل بۇرىن تىرشىلىك ەتكەن، سوندىقتان عالىمدار وعان «ءتىرى جانسىز» دەگەن ات قويدى، دەپ حابارلايدى Sputnik.
قولعا تۇسكەن تەڭىز جىرتقىشىنىڭ 300 ءتىسى بار جانە ول ەرتە كەزدەن تەڭىزدە جۇزۋشىلەرگە قاۋىپ ءتوندىرىپ، بويلارىندا قورقىنىش سەزىمىن ۇيالاتىپ كەلگەن. اكۋلانىڭ ۇزىندىعى 1,5 مەتردى قۇرايدى جانە ول جىلاندار ءتارىزدى يرەلەڭدەپ جۇزەدى.
جاعالى اكۋلالار وتە تەرەڭدە تىرشىلىك ەتەتىندىكتەن، كوپ زەرتتەلمەگەن. ولاردى اتلانت مۇحيتىنان، اۆستراليا، جاڭا زەلانديا، جاپونيا جاعالاۋلارىنان كەزدەستىرۋگە بولادى.