ق ر مەن ق ح ر قازاقستاندىق جوبالار ءۇشىن 300 ميلليون دوللارلىق قور قۇرادى
««قازىنا كاپيتال مەنەدجمەنتتە» Citic Kazyna Investment Fund I قورى اياسىندا قىتايلىق سەرىكتەستەرمەن بىرلەسكەن تاجىريبە بار. ول قور ارقىلى قازاقستان اۋماعىندا ورنالاسقان قۇنى 100 ميلليون ا ق ش دوللارلىق 5 جوبا قارجىلاندىرىلعان. ول - ەلەكتر ەنەرگياسى مەن تەمىر جول كەشەندەرىنە قاتىستى ينفراقۇرىلىمدىق جوبالار. ءبىز 2017 - جىلدىڭ سوڭىنا دەيىن 300 ميلليون دوللارلىق بىرلەسكەن قور قۇرۋدى جوسپارلاپ وتىر. ول بويىنشا العاشقى جوبا كەلەسى جىلى قارجىلاندىرىلاتىن بولادى. بۇل قازاقستانداعى private equity نارىعىنىڭ دامۋىنداعى ««قازىنا كاپيتال مەنەدجمەنتتىڭ» جاساعان تاعى ءبىر قادامى بولعالى وتىر» ، - دەيدى قكم باسقارما ءتوراعاسى اسقار دوستياروۆ «بايتەرەك» ۇلتتىق باسقارۋشى حولدينگى» دەلەگاتسياسىنىڭ بەيجىڭگە جاساعان ساپارى بارىسىندا. اسقار دوستياروۆتىڭ ايتۋىنشا، جاڭا قوردىڭ قۇرىلۋى قىتاي حولدينگتەرى مەن گونكونگتىڭ جەكە كومپانيالارى ءۇشىن قازاقستاندى ينۆەستيتسيالىق تۇرعىدان تارتىمدى ەل رەتىندە تانىتا تۇسەدى. «وتاندىق كاسىپورىندار ءۇشىن بۇل قوسىمشا قارجى كوزى رەتىندە بولادى» ، - دەيدى كومپانيا باسشىسى.
اسقان دوستياروۆ ءوز سوزىندە بىرلەسكەن قوردى قۇرۋدا بەيجىڭدە سوڭعى جۇمىستار جۇرگىزىلىپ جاتقانىن اتاپ ءوتتى. قوردىڭ قاتىسۋشىلارى «قازىنا كاپيتال مەنەدجمەنت» ، CITIC Group Corporation, قىتاي- ەۋرازيالىق ەكونوميكالىق سەرىكتەستىك قورى مەن Asia Investment Finance Group بولماق. سونىمەن بىرگە، ول قوردىڭ قازاقستان اۋماعىنداعى ەنەرگەتيكا، اۋىل شارۋاشىلىعى، لوگيستيكا، ينفراقۇرىلىمدىق قۇرىلىس، جاڭا ۇرپاقتىڭ اقپاراتتىق تەحنولوگيالارى مەن جوعارى تەحنولوگيالى ءوندىرىس سالالارىنداعى جوبالاردى قولداۋعا باعىتتالعان. ساپار بارىسىندا قازاقستاندىق دەلەگاتسيا ازيالىق ينۆەستيتسيالىق- قارجىلىق CITIC Securities توبىمەن كەلىسسوزدەردى جۇرگىزۋ ءۇشىن گونكونگقا بارۋدى جوسپارلاپ وتىر. ول كەزدەسۋدە قازاقستاندىق دەلەگاتسيا گونكونگ قور بيرجاسىمەن كەيبىر قازاقستاندىق كومپانيالاردى IPO عا وتكىزۋ بويىنشا سەرىكتەسە اتقاراتىن جۇمىستاردى تالقىلاماق.
اۆتور: ايان بەكەن ۇلى