«كۇي تارتقان 300 دومبىراشى پاۆلودار وبلىسىنىڭ بارلىق اۋداندارى مەن قالالارىنان جينالدى»، - دەيدى وبلىستىق «شاڭىراق» حالىق شىعارماشىلىعى مەن مادەني-ساۋىق ورتالىعىنىڭ ديرەكتورى ريزا اياپبەرگەنوۆا.
- ءار اۋداننان 15-18 كۇيشىدەن، ەكىباستۇز، اقسۋ، پاۆلودار قالالارىنان 40 قا تارتا دومبىراشى شاقىرتىلدى. ولار وزدەرىنىڭ جەتەكشىلەرىمەن تامىز ايىنىڭ باسىندا دايىندىقتارىن باستادى. كۇيشىلەردىڭ ەڭ كىشكەنتايى توعىز جاستا بولسا، ەڭ ۇلكەن ونەرپاز 60 تا. جەرگىلىكتى كومپوزيتور جاياۋ مۇسا بايجان ۇلىنىڭ «قۇم جىلان» كۇيى ۇلكەن ساحنادا ءبىرىنشى رەت ورىندالدى. كوپشىلىك قاۋىمنىڭ كوڭىلىنەن شىقتى دەپ ويلايمىن، - دەيدى ول.
جەرگىلىكتى دومبىراشىلار ونەر كورسەتىپ بولعان سوڭ، ساحنا تورىنە قازاقستاندىق ونەر جۇلدىزدارى « ۇلىتاۋ» توبى كوتەرىلىپ، كۇيدەن شاشۋ شاشتى.