وندا ۇلى وتان سوعىسىنىڭ ارداگەرلەرىنە، زەينەتكەرلەرگە، جالعىز باستى انالارعا، الەۋمەتتىك تۇرمىسى تومەن، كوپ بالالى جانە مۇگەدەك بالالارى بار وتباسىلارىنا 300 الەۋمەتتىك پاكەت، ياعني ازىق- تۇلىك سەبەتى تاراتىلدى.
ۇيىمداستىرۋشىلاردىڭ ايتۋىنشا، ءبىر ازىق- تۇلىك سەبەتىنە ءبىر-ءبىر كەلىدەن قانت، ۇن، كەسپە، كۇرىش، قاراقۇمىق، ءبىر ليتر كۇنباعىس مايى مەن ءسۇت، ءبىر قوراپشا شاي جانە ءبىر بولكە نان سالىندى. جالپى سوماسى 2 مىڭ تەڭگەدەن استام.
بۇگىنگى قايىرىمدىلىق شاراسىنا قاتىسقان «تاستاق-1»، «تاستاق-2» جانە «تاستاق-3» شاعىن اۋداندارىنىڭ تۇرعىندارى ۇيىمداستىرۋشىلار - المالى اۋدانىنىڭ اكىمدىگى مەن «تاستاق» بازارىنىڭ باسشىلىعىنا ريزاشىلىقتارىن ءبىلدىردى.
اۆتور: جاپپاربەرگەن ايبوتا