ەلورداداعى بوس جۇمىس ورىندار جارمەڭكەسىندە 300 جۋىق قىزمەت ءتۇرى ۇسىنىلادى
12:45, 19 - تامىز 2015
استانا. قازاقپارات - استانا قالاسى جۇمىسپەن قامتۋ ورتالىعىنىڭ حابارلاۋىنشا، تامىزدىڭ 26 - كۇنى وتەتىن كەزەكتى بوس جۇمىس ورىندار جارمەڭكەسىندە قالا تۇرعىندارى ءۇشىن 300 جۋىق قىزمەت ءتۇرى ۇسىنىلادى.
شارا بارىسىندا جۇمىسپەن قامتۋ ورتالىعىنىڭ ماماندارى «جۇمىسپەن قامتۋدىڭ جول كارتاسى - 2020» باعدارلاماسى بويىنشا كەڭەستەر بەرىپ، جاستار تاجىريبەسىنەن ءوتۋ، الەۋمەتتىك بوس جۇمىس ورىندار مەن ەڭبەك اقىسى تولەنەتىن قوعامدىق جۇمىستار تۋرالى باياندايدى.
اتاپ ءوتۋ كەرەك، بوس جۇمىس ورىندار جارمەڭكەسىندە ەلوردانىڭ 20 جۋىق مەكەمەلەرى مەن كاسىپورىندارى بوس ورىنداردى ۇسىنادى. جارمەڭكە 26 - تامىز كۇنى ساعات 10:00-دە «Astana mall» ويىن- ساۋىق ورتالىعىندا وتكىزىلەدى، دەپ حابارلايدى astana.kz.