شەتەلدىكتەرگە جالعا بەرىلگەن جەردىڭ جالپى كولەمى 300 مىڭ گەكتاردان اسادى - ب. جامىشيەۆ
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر وڭىرلىك دامۋ ءمينيسترى بولات جامىشيەۆ ءمالىم ەتتى.
«شەتەلدىك كومپانيالارعا نەمەسە تۇلعالارعا جالعا بەرىلەتىن جەر تەلىمدەرى جوبانىڭ ءوزىن- ءوزى اقتاۋ مەرزىمىنە دەيىن بەرىلەدى. قازىرگى ۋاقىتتا ول 10 جىل مەرزىمگە دەيىن شەكتەتىلگەن. شەتەلدىكتەرگە جانە شەتەل يەلىگىنە تيەسىلى كومپانيالارعا 313 مىڭ گەكتار جەر اۋىل شارۋاشىلىق ماقساتتار ءۇشىن جالعا بەرىلگەن. ەندىگى كەزەكتە ولار 10 جىلدان استام ۋاقىتقا ۇزارتىلادى، ەگەر جوباعا ينۆەستيتسيا سالۋ تالابى ورىندالعاندا عانا 10 جىلدان اسا مەرزىمگە ۇزارتىلادى. باسقا جاعدايدا 10 جىلدان كوپ مەرزىمگە بەرىلەدى. بۇل ايتىپ وتىرعانىمىز اۋىل شارۋاشىلىق ماقساتتارىنا ارنالعان جەرلەر» ، - دەدى ب. جامىشيەۆ.
ايتا كەتەيىك، بۇگىن ۇكىمەت وتىرىسىندا ق ر «كەيبىر زاڭ اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى.
اۆتور: جاسۇلان جولدىبايەۆ