مەملەكەت باسشىسى: اسكەردەگى قارۋ-جاراقتىڭ دەنى - 30-50 جىل بولعان كەڭەس داۋىرىندەگى تەحنيكا
بۇل تۋرالى ق ر پرەزيدەنتى - جوعارعى باس قولباسشى قاسىم-جومارت توقايەۆ قورعانىس مينيسترلىگىنىڭ باسشىلىق قۇرامىمەن وتكىزگەن كەڭەستە ايتتى.
«اسكەردەگى قارۋ-جاراقتىڭ دەنى - 30-50 جىل بولعان كەڭەس داۋىرىندەگى تەحنيكا. ەسكىرگەن تەحنيكالاردىڭ مەرزىمىنىڭ وتكەنىنە بايلانىستى قارۋ-جاراق پاركىن جاڭارتۋ ءۇشىن شۇعىل شارالار قابىلداۋ قاجەت. قارۋلى كۇشتەر زاماناۋي ءارى جوعارى تەحنولوگيالىق قارۋ-جاراقپەن، اسكەري تەحنيكامەن جابدىقتالۋى ءتيىس. قابىلداناتىن شارالار جۇيەلى بولۋى كەرەك. قارۋ-جاراق پەن اسكەري تەحنيكانى جوندەيتىن، ولارعا قىزمەت كورسەتەتىن وتاندىق ءوندىرىستى دامىتۋ قاجەت»، - دەدى جوعارعى باس قولباسشى.
ەسكە سالساق، قازاقستان رەسپۋبليكاسىنىڭ پرەزيدەنتى - قارۋلى كۇشتەردىڭ جوعارعى باس قولباسشىسى قاسىم-جومارت توقايەۆ قورعانىس مينيسترلىگىنىڭ باسشىلىق قۇرامىمەن كەڭەس وتكىزدى.