ەلوردادا 30 -ناۋرىز بەن 11- ءساۋىر ارالىعىندا قانداي شەكتەۋ شارالارى ەنگىزىلدى
«قالاداعى قازىرگى ەپيدەميولوگيالىق جاعداي، COVID-19 تىركەلۋىنىڭ كۇرت وسۋىنە بايلانىستى نۇر- سۇلتان قالاسىنىڭ باس مەملەكەتتىك سانيتارلىق دارىگەرىنىڭ «نۇر- سۇلتان قالاسىندا شەكتەۋ جانە كارانتيندىك شارالاردى كۇشەيتۋ جونىندەگى قوسىمشا شارالار تۋرالى» قاۋلىسى قابىلداندى. وندا الەۋمەتتىك- ەكونوميكالىق نىسانداردا جۇمىس رەجيمىنە قاتىستى وزگەرىستەر ەنگىزىلدى»،-دەيدى سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى، نۇر- سۇلتان قالاسىنىڭ باس سانيتارلىق دارىگەرى سارحات بەيسەنوۆا.
ونىڭ ايتۋىنشا، 30 -ناۋرىز بەن 11 -ءساۋىر ارالىعىندا تومەندەگى مەكەمەلەردىڭ قىزمەتىنە شەكتەۋ قويىلادى:
— ساۋدا ويىن- ساۋىق ورتالىقتارى، ساۋدا ۇيلەرى مەن ازىق- تۇلىك ەمەس تاۋارلاردى ساتاتىن ساۋدا جەلىلەرى جۇمىس كۇندەرى ساعات 10.00-دەن 17.00-گە دەيىن جۇمىس ىستەسە، دەمالىس كۇندەرى جۇمىس ىستەۋگە تىيىم سالىنادى. (بۇل ەرەجە اتالعان نىسانداردىڭ ىشىندە ورنالاسقان ءدارىحانالارعا، ازىق- تۇلىك پەن قاجەتتى زاتتاردى ساتاتىن مينيماركەتتەرگە، سۋپەرماركەتتەرگە، گيپەرماركەتتەرگە، سونداي- اق وسى قاۋلىمەن ولاردىڭ ورنالاسقان جەرىنە قاراماستان قىزمەتىنە رۇقسات ەتىلگەن نىساندارعا قاتىسى جوق)؛
— دەمالىس كۇندەرى جۇمىس ىستەۋگە تىيىم سالا وتىرىپ، جۇمىس كۇندەرى تاماقتانۋ وبەكتىلەرىنىڭ جۇمىسىن 22.00 ساعاتقا دەيىن شەكتەۋ؛
— جۇمىس كۇندەرى مەن سەنبى كۇنى اشىق اسپان استىنداعى ازىق- تۇلىك جانە ازىق- تۇلىككە جاتپايتىن تاۋار ساتاتىن بازارلاردىڭ جۇمىسىن ساعات 10.00-دەن 18.00-گە دەيىن شەكتەۋ. جەكسەنبىدە جۇمىس ىستەۋگە تىيىم سالىنادى. ودان بولەك، دەمالىس كۇندەرى جۇمىس ىستەۋگە تىيىم سالا وتىرىپ، جۇمىس كۇندەرى ساعات 10.00 دەن 20.00 گە دەيىن جۇمىس كەستەسىن بەلگىلەي وتىرىپ، ازىق- تۇلىك جانە ازىق- تۇلىككە جاتپايتى تاۋاردى ساتاتىن جابىق بازارلاردىڭ جۇمىسىنا شەكتەۋ قويىلادى؛
جەكسەنبى كۇندەرى قوعامدىق كولىكتەرگە شەكتەۋ قويىلادى؛
سپورتتىق نىساندار (سپورت كەشەندەرى، سپورت مەكتەپتەرى، سپورت كلۋبتارى، جاتتىعۋ زالدارى) جۇمىس كۇندەرى ساعات 7.00-دەن 22.00-گە دەيىن جۇمىس ىستەيدى. دەمالىس كۇندەرى جۇمىس ىستەۋگە جانە توپتىق جاتتىعۋلارعا تىيىم سالىنادى؛
فيتنەس- ورتالىقتار، فيتنەس كلۋبتار، سپورتتىق- ساۋىقتىرۋ ورىندارى، جابىق باسسەيندەر، سپا- ورتالىقتار، سپا- سالوندار جۇمىس كۇندەرى ساعات 7.00-دەن 22.00-گە دەيىن جۇمىس ىستەيدى. دەمالىس كۇندەرى جۇمىس ىستەۋگە جانە توپتىق جاتتىعۋعا تىيىم سالىنادى. (بۇل ەرەجەنىڭ «Ashyq» پيلوتتىق جوباسىنا قاتىساتىن نىساندارعا قاتىسى جوق. ولار ءۇشىن «سارى ايماق» بويىنشا ولشەمدەر قولدانىلادى). قوعامدىق مونشالار، ساۋنالار، جەكە جاعاجايلار مەن اكۆاپاركتەر جۇمىس كۇندەرى 8.00 دەن 23.00 گە دەيىن جۇمىس ىستەيدى. دەمالىس كۇندەرى جۇمىس ىستەۋگە تىيىم سالادى. (بۇل ەرەجەنىڭ «Ashyq» پيلوتتىق جوباسىنا قاتىساتىن نىساندارعا قاتىسى جوق، ولار ءۇشىن «سارى ايماق» بويىنشا ولشەمدەر قولدانىلادى) ؛
مەكتەپتەردە وقىتۋدى 9-11 سىنىپتاردى قوسپاعاندا (تولىمدىلىعى 15 ادامنان اسپۋى كەرەك) ونلاين فورماتقا اۋىستىرۋ كەرەك. جوعارى وقۋ ورىندارى مەن كوللەدجدەردىڭ ءبىرىنشى كۋرس ستۋدەنتتەرىن وقىتۋدى ونلاين فورماتقا اۋدارۋ قاجەت. سونداي- اق، انيماترونيكا تەاترلارىنىڭ، وكەاناريۋمنىڭ، حايۋاناتتار باعىنىڭ جۇمىس ىستەۋىنە، سپورتتىق جانە بۇقارالىق ءىس- شارالاردى وتكىزۋگە، كونتسەرت زالدارىنىڭ، تەاترلاردىڭ جۇمىسىنا تىيىم سالىنادى.