ريو وليمپياداسىن تاماشالاعىسى كەلگەن قازاقستاندىقتاردىڭ قالتاسىندا 3,8 ميلليون تەڭگەسى بولۋى كەرەك
قازاقستان ۇلتتىق وليمپيادا كوميتەتىنىڭ رەسمي بيلەت اگەنتى بولىپ بەكىتىلگەن «Complete Service» حالىقارالىق تۋريستىك اگەنتتىك قازاقستاندىق جانكۇيەرلەرگە بىرەگەي ساپار ۇيىمداستىرۋعا كومەك بەرمەك.
قازاقستاندىقتار ريوعا تامىزدىڭ 4 ءى مەن 14 ءى ارالىعىندا ساپارلاپ، 11 كۇن، 10 ءتۇن بولا الادى. تۋريستەرگە 3,8 ميلليون تەڭگەگە (1 دوللار 368 تەڭگە باعامىمەن) جازعى ويىنداردىڭ اشىلۋى سالتاناتىن تاماشالاپ جارىستىڭ بەس ءتۇرىن (بوكس، اۋىر اتلەتيكا، دزيۋدو جانە قوسىمشا 2 سايىس) كورۋگە مۇمكىندىك بەرىلەدى. مۇنان بولەك، برازيلياعا 14-23- تامىز ارالىعىندا بارىپ، 10 كۇن، 9 ءتۇن بولۋعا دا مۇمكىندىك بار. ال بۇل تۋريستىك توپتاماعا وليمپيادا ويىندارىنىڭ جابىلۋ شاراسى جانە (بوكس، اۋىر اتلەتيكا، كۇرەس جانە قوسىمشا 2 سايىس) كىرەدى.
ايتا كەتەيىك، 31-جازعى وليمپيادا ويىندارى تامىزدىڭ 5-21 ءى ارالىعىندا برازيليانىڭ ريو-دە-جانەيرو قالاسىندا وتەدى.
اۆتور: مارلان جيەمباي