الەمدە 3,6 ميلليارد ادامنىڭ قاۋىپسىز دارەتحانالاردى پايدالانۋ مۇمكىندىگى جوق - د د س ۇ
دۇنيەجۇزىلىك دەنساۋلىق ساقتاۋ ۇيىمىنىڭ دۇنيەجۇزىلىك دەنساۋلىق كۇنىنە وراي تاراتقان اقپاراتىندا وسىنداي مالىمەت كەلتىرىلگەن.
ۇيىم تاراتقان مالىمەتتەرگە قاراعاندا، الەمدە جىل سايىن سۋدىڭ لاستانۋى مەن انتيسانيتاريا سالدارىنان تۋىنداعان ديارەيا اۋرۋلارىنان 829000 ادام قايتىس بولادى. سونداي-اق ۇيىم ەسەبى بويىنشا الەمدە 2 ميلليارد ادام قاۋىپسىز اۋىز سۋعا قول جەتكىزە الماي وتىر. سوندىقتان سۋ كوزدەرىن قورعاۋ، اعىن سۋلاردىڭ، قالدىقتار مەن حيميالىق زاتتاردىڭ كولدەرگە، وزەندەر مەن جەراستى سۋلارىنا تۇسۋىنە جول بەرمەۋ ماڭىزدى. د د س ۇ-نىڭ حابارلاۋىنشا، دۇنيەجۇزىلىك دەنساۋلىق كۇنىن اتاپ وتۋدەگى ماقسات قوعامنىڭ نازارىن دەنساۋلىق پروبلەمالارىنا اۋدارۋ.
«دەنساۋلىقتى ساقتاۋ - بۇل ءار ادامنىڭ مىندەتى عانا ەمەس، سونىمەن قاتار قوعامدىق جانە مەملەكەتتىك ۇيىمدار، دەنساۋلىق ساقتاۋ جۇيەلەرى جۇرگىزەتىن شارالاردىڭ كەڭ سپەكترى. 2022 -جىلى دۇنيەجۇزىلىك دەنساۋلىق كۇنى
«ءبىزدىڭ پلانەتامىز، ءبىزدىڭ دەنساۋلىعىمىز» اتتى جاھاندىق يدەولوگياعا ارنالعان. پاندەميا، پلانەتارلىق ەكولوگيالىق داعدارىس، قاتەرلى ىسىك، استما جانە جۇرەك اۋرۋلارى سياقتى اۋرۋلاردىڭ اسەرىنەن د د س ۇ الەمدىك قوعامداستىقتىڭ نازارىن ادام دەنساۋلىعى مەن پلانەتانى قورعاۋعا، ادامنىڭ ءال- اۋقاتىنا باعىتتالعان قوعام قۇرۋ قوزعالىسىن كۇشەيتۋگە باعىتتايدى»، - دەلىنگەن حابارلامادا.