زاڭسىز كيىك اۋلاعان ارالدىقتار 3 ميلليون 611 مىڭ تەڭگە ايىپپۇل تولەدى
اتاپ ايتقاندا، ارال قالاسىنىڭ تۇرعىنى سوتتالۋشى ج. ارال قالاسى، «شىمكەنت-سامارا» تاس جولى بويىنىڭ سولتۇستىك بەتىندەگى ارقار ءمۇسىنى جاقتا كيىكتى ءولتىرىپ، الىپ كەلە جاتقان كەزىندە «وحوتوزووپروم» قىزمەتكەرلەرىن بايقاپ قالىپ، پىشاعىن لاقتىرىپ، قاشىپ كەتكەن. ول مەملەكەتكە 740800 تەڭگە مۇلىكتىك زالال كەلتىرگەن.
ءبىر قىزىعى، سوتتالۋشىلاردىڭ بۇل قىلمىستىق ارەكەتتەرى ءبىر-بىرىنە جاقىن ۋاقىتتا، ياعني ۇستىمىزدەگى جىلدىڭ ناۋرىز ايىنىڭ 4-11 كۇندەرىنىڭ ارالىعىندا بولعان. ءارى، وقيعالار ارال قالاسىنان الىس ەمەس، شامامەن 5-6 شاقىرىم قاشىقتىقتا ورىن العان. بۇل كيىك جانۋارلارىنىڭ ناۋرىز ايىنىڭ سول ءبىر سالقىن، وكپەك جەلدى سۋىق كۇندەرىندە السىرەپ، جىلۋ ىزدەپ، ەلدى مەكەنگە جاقىن كەلگەندىكتەرىن كورسەتەدى.
قىلمىستىق ىستەردى سوتتا قاراۋ بارىسىندا سوتتالۋشىلاردىڭ كىنالارى تولىق دالەلدەندى. ولاردىڭ جاساعان قىلمىستارىنىڭ ورتاشا اۋىرلىقتاعى قىلمىستار ساناتىنا جاتاتىنى جانە جاساعان ارەكەتتەرىن مويىنداپ، وكىنۋلەرى، قىلمىستى ءبىرىنشى رەت جاساعاندارى، ءىس بويىنشا كەلگەن زالالدى قايتارۋعا مۇددەلىلىك تانىتقاندارى، تۇرعىلىقتى جەرلەرىندە جاقسى مىنەزدەمەلەر بەرىلەتىنى ەسكەرۋمەن باس بوستاندىقتارىن شەكتەۋ جازاسى تاعايىندالدى. سونىمەن قاتار ازاماتتىق تالاپكەر « قىزىلوردا وبلىستىق ورمان جانە اڭشىلىق شارۋاشىلىعى اۋماقتىق ينسپەكسياسى» مەملەكەتتىك مەكەمەسىنىڭ تالاپارىزى قاناعاتتاندىرىلىپ، سوتتالۋشىلاردان مەملەكەت پايداسىنا كەلتىرىلگەن شىعىن - 3611400 ء(ۇش ميلليون التى ءجۇز ون ءبىر مىڭ ءتورت ءجۇز) تەڭگەنى وندىرۋگە ۇكىم ەتىلدى.
اۆتور: ەلۋباي اۋەزوۆ