2020-2025 - جىلدارعا «نۇرلى جول» باعدارلاماسىنىڭ جالپى بيۋدجەتى 5,5 تريلليون تەڭگەنى قۇراپ وتىر. ونىڭ ىشىندە اۆتوجول سالاسىنىڭ بيۋدجەتى 3,5 تريلليون تەڭگە شاماسىندا.
«اۆتوجول سالاسىنىڭ بيۋدجەتىنەن رەسپۋبليكالىق جولداردى قايتا سالۋ مەن قۇرىلىسقا 2,1 تريلليون تەڭگە ءبولىندى. 2020 -جىلعا دەيىن 13 مىڭ شاقىرىمدا قايتا سالۋ جۇمىستارى جۇرگىزىلدى. 2025 -جىلعا دەيىن قوسىمشا 11 مىڭ شاقىرىم جاسپارلانعان، ياعني جالپى 24 مىڭ شاقىرىم قامتىلعان. بيىل 4 مىڭ شاقىرىم جولدا قۇرىلىس جۇمىستارى ءجۇرىپ جاتىر»، - دەدى مينيستر ۇكىمەت ۇيىندەگى باسپا ءسوز ءماسليحاتىندا.
ونىڭ ايتۋىنشا، جول بويىنداعى سەرۆيس نىساندارىنا رەسپۋبليكالىق بيۋدجەتتەن قارجى ءبولۋ قاراستىرىلماعان.
«جول بويىنداعى سەرۆيس نىساندارى ينفراقۇرىلىمىن قۇرۋ ءۇشىن 651 الاڭ ءبولىندى. بۇل باعىتتا بيزنەسپەن جانە جەرگىلىكتى اتقارۋشى ورگاندارمەن بىرلەسە جۇمىس ىستەۋدەمىز. 2025 -جىلعا دەيىن ءتيىستى نىساندار سالىنادى دەپ جوسپارلاپ وتىرمىز»، - دەدى ب. اتامقۇلوۆ.
ايتا كەتەيىك، بۇگىنگى باسپا ءسوز ءماسليحاتىندا ۇكىمەت باسشىسىنىڭ ورىنباسارى رومان سكليار الداعى 5 جىلدا رەسپۋبليكالىق جولداردىڭ 100 پايىزى قالپىنا كەلتىرىلىپ، جاڭارتىلاتىنىن ءمالىم ەتتى. سونداي- اق جول بويىندا سەرۆيستىك ينفراقۇرىلىمدى قۇرۋ جۇمىستارى اياقتالادى.
اۆتور: رۋسلان عابباسوۆ