«ماسكا تاعۋ - اعزانى ۆيرۋستان قورعاۋدىڭ ءبىر مەحانيزمى ەكەنىن ءتۇسىنۋىمىز قاجەت. جابىق عيماراتتا، ياعني دۇكەندەر مەن ءدارىحانادا، كولىك ىشىندە ماسكا تاعۋ مىندەتتەلگەن. اسىرەسە، اۋرۋ بەلگىسى بايقالعان ادامداردىڭ قاسىندا نەمەسە وزىڭىزدە قىزۋ، جوتەل، تۇشكىرۋ پايدا بولسا، مىندەتتى تۇردە ماسقا تاعىڭىز» - دەپ اتاپ ءوتتى ت. سۇلتانعازيەۆ facebook جەلىسىندە وتكەن ونلاين بريفينگتە.
سونىمەن بىرگە، حالىق اراسىنداعى ينفەكتسيا كولەمىن ازايتۋ ماقساتىندا كوشەدە دە ماسكا تاعۋ ۇسىنىلادى.
«دۇنيەجۇزىلىك دەنساۋلىق ساقتاۋ ۇيىمىنىڭ مالىمدەۋىنشە، ادام 3-5 مينۋت سايىن بەتىن ۇستايدى. بۇل دا COVID-19 جۇقتىرۋ قاۋپىن كۇشەيتەدى. وسىعان بايلانىستى، بارلىق جاستاعى ادامدارعا كوشەدە دە ماسكا تاعىپ جۇرۋگە كەڭەس بەرەمىز. اسىرەسە، كوپتەگەن ادامدار ماسكامەن اۋزىن جابادى دا، مۇرنىن اشىق قالدىرادى. ماسكانى 2-3 ساعات سايىن اۋىستىرمايدى. ارينە، ماسكادان بولەك، قول جۋۋ، انتيسەپتيكپەن ءسۇرتۋ سىندى وزگە دە قاعيدالاردى ۇستانعان ءجون» ، - دەدى ت. سۇلتانعازيەۆ.