بۇگىن ەلىمىزدىڭ 3 وڭىرىندە 41 گرادۋسقا دەيىن ىستىق بولادى - قازگيدرومەت
كاسىپورىن تاراتقان دەرەكتەرگە قاراعاندا، ءالى دە، اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە كۇن قۇبىلمالى بولادى. جاڭبىر جاۋىپ، ەلىمىزدىڭ سولتۇستىك- باتىسىندا، شىعىسىندا، وڭتۇستىك- شىعىستىڭ تاۋلى اۋداندارىندا قاتتى جاڭبىر جاۋىپ، نايزاعاي ويناپ، بۇرشاق جاۋادى، داۋىل تۇرادى. تەك قازاقستاننىڭ باتىسىندا عانا كۇن جاۋىن-شاشىنسىز بولادى.
رەسپۋبليكا بويىنشا جەل كۇشەيەدى، ەلىمىزدىڭ وڭتۇستىگىندە جەلدىڭ سوڭى شاڭدى داۋىلعا ۇلاسادى. قازاقستاننىڭ سولتۇستىگىندە تۇنگى جانە تاڭەرتەڭگى ساعاتتاردا تۇمان تۇسەدى.
كۇندىز اتىراۋ، باتىس قازاقستان وبلىستارىندا 35-38 گرادۋس ىستىق. ماڭعىستاۋ وبلىسىندا 38-41 گرادۋس ىستىق بولادى.
اقمولا، اتىراۋ، باتىس قازاقستان وبلىستارىندا، سولتۇستىك قازاقستان وبلىسىنىڭ باتىسىندا، شىعىسىندا جوعارى ءورت قاۋىپى ساقاتالادى، پاۆلودار وبلىسىنىڭ وڭتۇستىگىندە، شىعىسىندا جوعارى ءورت قاۋپى كۇتىلەدى.
ماڭعىستاۋ، تۇركىستان، الماتى، جامبىل، قىزىلوردا، شىعىس قازاقستان، قاراعاندى، ۇلىتاۋ، جەتىسۋ، اباي وبلىستارىندا، قوستاناي وبلىسىنىڭ وڭتۇستىگىندە، اقتوبە وبلىستارىنىڭ ورتالىعىندا وڭتۇستىگىندە، اتىراۋ وبلىسىنىڭ باتىسىندا، شىعىسىندا، اقمولا وبلىسىنىڭ وڭتۇستىگىندە، باتىسىندا توتەنشە ءورت قاۋپى ساقتالادى.