«قازاقستان قور بيرجاسىنداعى ساۋدا- ساتتىقتىڭ ءبىر كۇندەگى ورتاشا كولەمى ءبىر ايدا 103-تەن 130 ميلليون ا ق ش دوللارىنا دەيىن ۇلعايدى. ساۋدا- ساتتىقتىڭ جالپى كولەمى 2,6 ميلليارد ا ق ش دوللارىن قۇرادى. ءبىر اي ىشىندە ۆاليۋتا نارىعى سۇرانىس پەن ۇسىنىس تۇرعىسىنان تەڭگەرىمدى بولىپ، ايىرباستاۋ باعامى نارىق تالاپتارىنا ساي قالىپتاستى. باعامنىڭ نىعايۋى «سالىق كەزەڭى» فاكتورىمەن جانە شەتەلدىك ينۆەستورلاردىڭ ق ر مەملەكەتتىك باعالى قاعازدارعا كىرۋىمەن دە بايلانىستى بولدى»، - دەلىنگەن ۇلتتىق بانكتىڭ حابارلاماسىندا.
بۇعان قوسا ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن % 30 دەڭگەيىندە ۇستاپ تۇرۋ ماقساتىندا ۇلتتىق بانك اقپاندا بيرجالىق ساۋدا- ساتتىقتا شەتەل ۆاليۋتاسىن ساتىپ الۋدى جۇزەگە اسىردى. ونىڭ جالپى سوماسى 226 ميلليون ا ق ش دوللارىنا شىقتى نەمەسە نارىقتىڭ جالپى كولەمىنەن شامامەن % 9 بولدى.
اقپاندا ۇلتتىق بانك ۆاليۋتالىق ينتەرۆەنتسيالار جۇرگىزگەن جوق.