بيىل ەلوردانىڭ جالپى وڭىرلىك ءونىم كولەمى %3,1 عا ءوستى
ماسليحات دەپۋتاتتارىنىڭ الدىندا بايانداما جاساعان ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقارايەۆ قالانىڭ بيىلعى 9 اي ىشىندەگى الەۋمەتتىك- ەكونوميكالىق دامۋ كورسەتكىشتەرىنە توقتالدى. ونىڭ سوزىنشە، باس شاھاردىڭ ەكونوميكالىق ءوسۋ تەندەنتسياسىن تۇراقتى.
باسقارما باسشىسى استانانىڭ دامۋىن ايقىندايتىن نەگىزگى ينديكاتور - جالپى وڭىرلىك ءونىم كولەمى ەكەنىن اتاپ ءوتتى. ول كەلتىرگەن دەرەك بويىنشا 2022 -جىلدىڭ II جارتىجىلدىعىندا ەلوردانىڭ ج ءو ءو 3,6 ميلليارد تەڭگەنى قۇراعان. بۇل وتكەن جىلدىڭ سايكەس كەزەڭىمەن سالىستىرعاندا 3,1 پايىزعا ارتىق. ال باس شاھاردىڭ ەلىمىزدىڭ جالپى ىشكى ونىمىندەگى ۇلەسى 9 پايىز.
سونىمەن قاتار، استانا قالاسى پوليتسيا دەپارتامەنتى باستىعىنىڭ ورىنباسارى گوسمان جاكين 2023 -جىلعى بيۋدجەت جوباسىندا قوسىمشا شىعىستاردى ەسكەرۋدى ۇسىندى. ونىڭ مالىمەتىنە سايكەس، ناشاقورلىق، ەسىرتكى قىلمىسىنىڭ الدىن الۋ، تۇرعىن ءۇي تولەمدەرى، قىزمەتكەرلەرگە ۇستەمەاقى بەرۋ، كيىم- كەشەك قاجەتتىلىكتەرى مەن «سيفرلىق پوليسيا» جوباسىن ىسكە اسىرۋ قوسىمشا قاراجاتتى تالاپ ەتەدى.