بۇل جايىندا ق ر ا ش م ورمان شارۋاشىلىعى جانە جانۋارلار الەمى كوميتەتىنىڭ رەسمي وكىلى ساكەن دىلداحمەت فەيسبۋكتەگى پاراقشاسىنا جازدى، دەپ حابارلايدى قازاقپارات ءتىلشىسى.
«2019 -جىلدىڭ 7-8 - ناۋرىز كۇندەرى جايىق وزەنىنىڭ مۇزى ەرىگەننەن كەيىن «ارنايى اۆتوباز» ج ش س، اتىراۋ وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسى، اتىراۋ وبلىستىق بالىق شارۋاشىلىعى باسقارماسى قىزمەتكەرلەرى 493 كەلى ءولى بالىق جينادى. 9-10 - ناۋرىز كۇندەرى اتىراۋ قالاسى تۇرعىندارىنىڭ كومەگىمەن 2 621,5 كەلى ءولى بالىق جيناپ الىندى. 2019 -جىلدىڭ 7-11 - ناۋرىزى ارالىعىندا جايىق وزەنىنەن جيناپ الىنعان ءولى بالىقتىڭ جالپى سالماعى 3,1 توننانى قۇرايدى» ، - دەپ جازدى ول.
ونىڭ جازۋىنشا، جيناپ الىنعان بالىققا جانە شىعىنعا قاتىستى اكتى جاسالدى. قۇجات 2018 -جىلدىڭ جەلتوقسانىندا جايىق وزەنىندە بالىقتاردىڭ جاپپاي قىرىلۋ فاكتىسى بويىنشا قوزعالعان قىلمىستىق ىسكە تىركەلەدى. جالپى اتىراۋ وبلىستىق پوليتسيا دەپارتامەنتى ق ر ق ك 336 جانە 328 باپتارى بويىنشا ەكى قىلمىستىق ءىس قوزعاعان.
«بالىقتاردىڭ ءولۋ سەبەبى تەرگەۋ ءىس- قيمىلدارى اياقتالعاننان كەيىن ناقتىلانادى. 2019 -جىلدىڭ 11 - ناۋرىزىنا دەيىن 111,2 توننا ءولى بالىق جيناپ الىندى. ءولى بالىقتاردى جيناۋ جمۇىستارى جالعاسىپ جاتىر» ، - دەدى ساكەن دىلداحمەت.