مەكتەپ اۋماعىنان 2 مىڭنان استام جارىلماعان سنارياد تابىلدى
16:29, 14 - تامىز 2023
پنومپەن. قازاقپارات - كامبودجانىڭ مينالاردان تازارتۋ ورتالىعىنىڭ (CMAC) ماماندارى سولتۇستىك-شىعىس كراتە پروۆينتسياسىنداعى مەكتەپ قالاشىعىنىڭ اۋماعىنا سوعىس كەزىندە كومىلگەن 2000 نان استام جارىلماعان سوعىس سناريادتارىن تاپتى، دەپ حابارلادى دۇيسەنبى كۇنى مينالاردى تازارتۋ ءبولىمىنىڭ باسشىسى.
2116 جارىلماعان سنارياد تابىلعان، دەپ حابارلايدى قازاقپارات Xinhua-عا سىلتەمە جاساپ.
مامانداردىڭ ايتۋىنشا، ايماقتا جارىلماعان وق-دارىلەر ءالى دە كوپ. زالالسىزداندىرۋ وپەراتسياسىن جۇرگىزۋ ءۇشىن مەكتەپ تاعى بىرنەشە كۇنگە ۋاقىتشا جابىلاتىنى اتاپ ءوتىلدى.
جارىلعىش زاتتار مەكتەپ اۋلاسىن كەڭەيتۋ جۇمىستارىن جۇرگىزۋ كەزىندە تابىلعان.
كامبودجا مينالار مەن سوعىس قالدىقتارىنان ەڭ كوپ زارداپ شەككەن ەلدەردىڭ ءبىرى. شامامەن 4-6 ميلليون مينا مەن باسقا دا وق-دارىلەر ا ق ش- تىڭ وتىز جىلدىق ىشكى قاقتىعىستارى مەن بومبالاۋىنان قالعان.