استانادا الىپتار سايىسى وتەدى، جۇلدە قورى - 2 ميلليون تەڭگە

استانا. قازاقپارات - ەلوردادا ۇلتتىق ويىنداردى قولداۋ ماقساتىندا الىپتار جارىسى ۇيىمداستىرىلادى، دەپ حابارلايدى قازاقپارات ءتىلشىسى.

«ەلوردانىڭ 25 جىلدىعىنا وراي، قالالىق «تولاعاي» الىپتار سايىسى اشىق ءتۋرنيرى وتەدى. ۇلى دالانىڭ باتىرلارىن ناسيحاتتاۋدا، قازاقتىڭ ەتنو- ويىندارىن دارىپتەۋ ماقساتىندا وتەتىن تۋرنيرگە بىلەگى توقپاقتاي، جاۋىرىنى قاقپاقتاي 18 جاستان اسقان قالا تۇرعىندارى مەن قوناقتارى قاتىسا الادى. ءتۋرنيردىڭ وتەتىن جەرى - ورتالىق ساياباقتىڭ اۆتوتۇراعى. شارانىڭ اشىلۋ سالتاناتى 6-شىلدە كۇنى ساعات 16:00 دە بولادى. جارىستىڭ جالپى جۇلدە قورى - 2 ميلليون تەڭگە»، - دەدى استانا قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەعالي كاربوزوۆ قالالىق ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي- اق، سپيكەر باسقا دا ءىرىلى- ۇساقتى سپورتتىق شارالاردىڭ وتەتىندىگىن ايتتى.

«9- شىلدە كۇنى امفيتەاتر الدىندا «قاجىمۇقان جولى» مادەني- سپورتتىق جوباسى، 9- جانە 19 - شىلدە كۇندەرى «Astana zhuldyzdary» حالىقارالىق شاحمات ءتۋرنيرى وتپەك. ودان بولەك، قالا كۇنىنە ارنالعان بالالار، جاسوسپىرىمدەر، جاستار جانە ارداگەرلەر اراسىنداعى شينكيوكۋشينكاي كاراتەدەن «استانا كۋبوگى» رەسپۋبليكالىق ءتۋرنيرىن وتكىزۋ جوسپاردا»، - دەيدى ول.