«ەلوردادا جاڭادان سالىنىپ جاتقان تۇرعىن ۇيدەن شىققان ءورت سالدارىنان اتالعان نىساننىڭ ەكى جۇمىسشىسى زارداپ شەكتى. وقيعا ورنىندا «103» بريگاداسى زارداپ شەگۋشىلەردى قارادى. زارداپ شەككەندەردىڭ ءبىرى 1991 -جىلى دۇنيەگە كەلگەن ازاماتتىڭ قولىنىڭ 2 پايىزىن، ال 1992 -جىلى دۇنيەگە كەلگەن ەكىنشى جۇمىسشىنىڭ بەتىنىڭ 1 پايىزىن كۇيىك شالعان. زارداپ شەگۋشىلەر دارىگەرلەر قاراعاننان كەيىن اۋرۋحاناعا بارۋدان باس تارتتى»، - دەپ ءمالىم ەتتى استانا قالالىق توتەنشە جاعدايلار دەپارتامەنتىنەن.
ەستەرىڭىزگە سالا كەتسەك، ەلوردادا سالىنىپ جاتقان نىسانداردىڭ ءبىرىنىڭ اۋماعىندا ءورت شىققان بولاتىن.