رەسپۋبليكالىق ماڭىزداعى جولداردىڭ 2 ۋچاسكەسىندە قوزعالىسقا ۋاقىتشا شەكتەۋ ەنگىزىلدى

استانا. قازاقپارات – 6-ناۋرىز ساعات 07:10 اقپاراتقا سايكەس 2 وبلىستا اۋا-رايىنىڭ قولايسىزدىعىنا بايلانىستى رەسپۋبليكالىق ماڭىزى بار اۆتوجولداردىڭ 2 ۋچاسكەسىندە قوزعالىسقا ۋاقىتشا شەكتەۋ ەنگىزىلدى.

بۇل تۋرالى قازاقپارات رەسپۋبليكالىق ماڭىزى بار اۆتوموبيل جولدارىنىڭ ۇلتتىق وپەراتورىنا سىلتەمە جاساپ حابارلايدى.

ۇلتتىق وپەراتوردىڭ مالىمەتتەرىنە قاراعاندا، اقتوبە وبلىسىندا «سامارا- شىمكەنت» تاسجولىنىڭ اقتوبە قالاسىنان قارابۇتاق اۋىلىنا دەيىنگى ارالىعىندا كولىكتىڭ بارلىق ءتۇرى ءۇشىن جول قوزعالىسىنا شەكتەۋ ەنگىزىلدى.

قاراعاندى وبلىسىندا «الماتى- ەكاتەرينبۋرگ» تاسجولىنىڭ جۇمابەك اۋىلىنان بالقاش قالاسىنا دەيىنگى ارالىعىندا كولىكتىڭ بارلىق ءتۇرى ءۇشىن قوزعالىس شەكتەلدى.