اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا ورتالىق كوممۋنيكاتسيالار قىزمەتىندە وتكەن بريفينگىدە وسىنداي دەرەك كەلتىردى، دەپ حابارلايدى قازاقپارات ءتىلشىسى.
«جىل سايىن 13 مىڭنان استام جول- كولىك وقيعاسى تىركەلەدى. سالدارىنان 2 مىڭنان استام ادام قازا تاۋىپ، 18 مىڭنان استام ادام جاراقات الادى.
جالپى، كەيىنگى 5 جىلدا اپاتتىلىقتىڭ تومەندەۋ ديناميكاسى بايقالادى.
بيىل 1700-دەن استام جول- كولىك وقيعاسى بولىپ، 200-دەن استام ادام قازا تاۋىپ، 2,5 مىڭعا جۋىق ادام جارالاندى»، - دەدى اعا ينسپەكتور.
ونىڭ مالىمەتىنە سەنسەك، اپاتتاردىڭ نەگىزگى سەبەبى - كولىك جۇرگىزۋ ءتارتىبىنىڭ تومەندىگى.
«قاراپايىم ەرەجەلەردى ساقتاۋ جولدارداعى اپاتتاردى ازايتۋعا كومەكتەسەدى. ءاربىر جول قوزعالىسىنا قاتىسۋشىنىڭ ءتارتىبى - ءبىزدىڭ قورشاعان ورتانىڭ قاۋىپسىزدىگىنىڭ كەپىلى! جول قاۋىپسىزدىگى جاياۋ ادامعا دا، كولىك جۇرگىزۋشىگە دە بايلانىستى. كەيبىرەۋلەر ءتىپتى، جولدى كەسىپ وتەردە جان- جاعىنا قاراۋ كەرەك ەكەنىن ۇمىتىپ كەتەدى، سەبەبى بۇرىلىستان كۇتپەگەن جەردەن كولىك پايدا بولۋى مۇمكىن. ال، تۇندە بارلىق جۇرگىزۋشىلەر جاياۋ جۇرگەندەردى بايقاي المايدى، ويتكەنى ادامدار كيىمدەرىندە شاعىلىستىراتىن ەلەمەنتتەردى سيرەك پايدالانادى. سوندىقتان، وتە ساق بولۋ كەرەك جانە جۇرگىزۋشىلەر ءسىزدى وتۋگە مۇمكىندىك بەرەتىنىنە كوز جەتكىزۋ كەرەك»، - دەدى اقتوتى بورانوۆا.
اۆتور
ەسىمجان ناقتىباي