اۋا رايىنا بايلانىستى 2 وڭىردە تاسجول جابىلدى

استانا. قازاقپارات - ەلىمىزدە اۋا رايىنىڭ قولايسىزدىعىنا بايلانىستى بىرنەشە وڭىردە تاسجولدار جابىلدى، دەپ حابارلايدى قازاقپارات قازاۆتوجول قىزمەتىنە سىلتەمە جاساپ.

1-ناۋرىز كۇنگى ساعات 10:20 داعى جاعداي بويىنشا، رەسپۋبليكالىق ماڭىزدى 2 تاسجولدىڭ 10 ۋچاسكەسىندە جول قوزعالىسىنا ۋاقىتشا تىيىم سالىندى.

اقمولا وبلىسىنىڭ «استانا- پەتروپاۆل» كۇرە جولىنىڭ 18-231-شاقىرىمدارى (استانا قالاسىنان شۋچينسك قالاسىنا دەيىنگى جول ۋچاسكەسى) جانە «استانا- ەرەيمەنتاۋ- شىدەرتى» كۇرە جولىنىڭ 16-200 شاقىرىمدارىندا (استانا قالاسى - پاۆلودار وبلىسىنىڭ شەكاراسى) كولىكتىڭ بارلىق ءتۇرى ءۇشىن قوزعالىسقا تىيىم سالىنعان.

پاۆلودار وبلىسىندا 8 جول ۋچاسكەسى: «قىزىلوردا- پاۆلودار» كۇرە جولىنىڭ 1258-1367-شاقىرىمدارى، (ەكىباستۇز ق. - لەنينسكيك.)، - «استانا- ەرەيمەنتاۋ- شىدەرتى» كۇرە جولىنىڭ 200-254-شاقىرىمدارى (اقمولا وبلىسىنىڭ شەكاراسى - شىدەرتى ك.)، «قىزىلوردا- پاۆلودار» تاسجولىنىڭ 1206-1258-شاقىرىمدارى (شىدەرتى ك. - ەكىباستۇز ق.)، «قىزىلوردا- پاۆلودار» كۇرە جولىنىڭ 1206-1135-شاقىرىمدارى (شىدەرتى ك. - قاراعاندى وبلىسىنىڭ شەكاراسى)، «پاۆلودار- ۋسپەنكا- ر ف شەكاراسى» تاسجولىنىڭ 0-152-شاقىرىمدارى (پاۆلودار ق. – ر ف شەكاراسى)، «پاۆلودار- شارباقتى- ر ف شەكاراسى» كۇرە جولىنىڭ 0-112 شاقىرىمدارى (پاۆلودار ق. - ر ف شەكاراسى)، «لەنينسكي- اقسۋ- كوكتوبە- ۇلكەن اقجار» تاسجولىنىڭ 0-40-شاقىرىمدارى (لەنينسكي ك. - ەڭبەك ا.)، «لەنينسكي- يرتىشسك- رۋسسكايا پوليانا» تاسجولىنىڭ 0-263-شاقىرىمدارىندا (لەنينسكي ك. – ر ف شەكاراسى) كولىكتىڭ بارلىق ءتۇرى ءۇشىن قوزعالىسقا تىيىم سالىندى.