استاناعا كەمىندە 2 پەريناتالدىق ورتالىق سالۋ قاجەت - التاي كولگىنوۆ
«تاعى ءبىر ماڭىزى ماسەلە - انا مەن بالا دەنساۋلىعىن قورعاۋ. بۇل باعىتتا بوسانۋعا كومەكتەسەتىن ۇيىمدار مەن بالالار اۋرۋحانالارىن قاجەتتى مەديتسينالىق جابدىقتارمەن قامتاماسىز ەتۋ دەڭگەيىن ارتتىرۋ مىندەتى تۇر.
ەڭ الدىمەن اكۋشەرلىك، گينەكولوگيا، پەريناتولوگيا ورتالىقتارىنىڭ ينفراقۇرىلىمىن جاقسارتۋ باعىتىنداعى ماسەلەلەردى تەزدەتىپ شەشۋىمىز قاجەت»، - دەدى ول دەنساۋلىق ساقتاۋ مينيسترلىگىنىڭ قورىتىندى القا ماجىلىسىندە.
ونىڭ ايتۋىنشا، بۇل ءىستى استانادان باستاۋ قاجەت. ويتكەنى ەلوردانىڭ وزىندە پەريناتالدىق ورتالىق تاپشى.
«انالاردىڭ قاۋىپسىز بوسانۋىنا جاعداي جاسۋ جانە وڭىرلەردەگى پەريناتالدىق كومەك كورسەتۋ ساپاسىن ارتتىرۋ باعىتىندا كەشەندى شارالاردى ىسكە اسىرۋ ماڭىزدى. ونىڭ ىشىندە اكىمدىكتەرمەن بىرلەسىپ پەريناتالدىق ورتالىقتار سالۋدى جانە بوسانۋعا كومەكتەسەتىن، بالالار مەديتسينالىق ۇيىمدارىن قازىرگى زامانعى جابدىقتارمەن قامتۋدى تەزدەتۋ قاجەت. الىسقا بارماي-اق، قويايىق وسى استانانىڭ وزىندە كەمىندە پەريناتالدىق ورتالىق سالۋ قاجەت. ال وڭىرلەردە قانشاما ماسەلە بار؟! وسىنى نازارعا الۋ كەرەك»، - دەدى التاي كولگىنوۆ.