بۇل جايىندا اگەنتتىك ءتوراعاسى ولجاس بەكتەنوۆ ۆەدومستۆونىڭ القا وتىرىسىندا ايتتى.
«انتيكور قىزمەتكەرلەرىنىڭ مورالدىق جانە كاسىبي كەلبەتى ءمىنسىز بولۋى كەرەك. قوعام تاراپىنان سىنعا سەبەپ بولماۋى كەرەك. قىزمەتكەرلەردىڭ زاڭعا قايشى جانە ادەپكە جات قىلىقتارى تۋرالى كەز كەلگەن قاراما- قايشىلىقتارى مەنىڭ جەكە باقىلاۋىمدا بولادى»، - دەدى ولجاس بەكتەنوۆ.
اگەنتتىك مالىمەتىنشە، بيىل 2 قىزمەتكەر سىبايلاس جەمقورلىق قىلمىسى ءۇشىن سوتتالعان. تارتىپتىك جاۋاپكەرشىلىككە تارتىلعان 142 قىزمەتكەردىڭ بەسەۋى تەرىس ارەكەتى ءۇشىن جۇمىستان بوساتىلعان.
«جاقىن ارادا اگەنتتىك ءوز قىزمەتكەرلەرىنىڭ جەمقورلىققا توزىمسىزدىگىن تەكسەرۋ ءۇشىن Integrity Check تەتىگىن پيلوتتىق سىناقتان وتكىزەدى. ءبىز وسى ۇسىنىستىڭ باستاماشىسى رەتىندە سىناقتى وزىمىزدەن باستايمىز. جاڭا تاسىلدەردى قولدانا وتىرىپ، ءوز قاتارىمىزدىڭ تازالىعىن قامتاماسىز ەتەمىز»، - دەدى انتيكور باسشىسى.