ا ق ش - NASA اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسى سەرىكتەس تەلەسكوپتار جەلىسى مەن پلانەتارلىق قورعانىس ۇيلەستىرۋ بيۋروسى ارقىلى بارلىق استەرويدتى باقىلايدى. باسقارما ولاردى جەر ءۇشىن قاۋىپتى جانە قاۋىپسىز دەپ جىكتەيدى. ەكى استەرويدتىڭ - 2009 JF1 جانە 467460 (2006 JF42) جۋىردا جەرگە جاقىنداۋىنا كەلەتىن بولساق، حابارلامادا ولاردىڭ ۇشىپ وتۋىنەن قاۋىپ جوقتىعى ايتىلادى.
2009 JF1 استەرويدىنىڭ ديامەترى - شامامەن 10 مەتر عانا جانە ول 2022 -جىلدىڭ اقپان ايىندا ەۋروپالىق عارىش اگەنتتىگىنىڭ باقىلاۋ تىزىمىنەن شىعارىلدى. باقىلاۋلار ونىڭ جەرمەن سوقتىعىسۋ ىقتيمالدىعى از ەكەنىن كورسەتكەن بولاتىن.
ەكىنشى 2006 JF42 استەرويدى اناعۇرلىم ءىرى، ديامەترى - 380-نەن 860 مەترگە دەيىن. سونىمەن قاتار، ول ءبىزدىڭ پلانەتامىزعا 5,7 ميلليون شاقىرىمعا جاقىندايدى. بۇل - جەر مەن ايدىڭ ورتاشا قاشىقتىعىنان 14 ەسە ارتىق. NASA- نىڭ سوڭعى اقپاراتىنا سايكەس، «باقىتىمىزعا قاراي، كەم دەگەندە 100 جىل بويى جەرگە بەلگىلى ءبىر استەرويدتىق قاۋىپتەر ءتونىپ تۇرعان جوق».
بۇعان دەيىن العاشقى جەكە عارىش ميسسياسى ح ع س- عا جەتكەنىن حابارلاعان ەدىك.
اۆتور: اياۋلىم التىنبەك