بۇل تۋرالى قالالىق دەنساۋلىق ساقتاۋ باسقارماسى مالىمدەدى، - دەپ حابارلايدى ريا نوۆوستي.
اۋرۋ جۇقتىرعانداردىڭ ەكەۋى دە گونكونگقا شەتەلدەن كەلگەننەن كەيىن كارانتيننەن وتەتىن Regal Airport قوناقۇيىندە بولعان. ولار بەسىنشى قاباتتا ءبىر-بىرىنە قاراما-قارسى بولمەلەردە تۇرعان. ءبىرىنشى ناۋقاس گونكونگقا وڭتۇستىك افريكادان 11-قاراشادا كەلىپ، سول كۇنى قوناقۇيگە ورنالاسقان. 13-قاراشادا ودان الىنعان تەست وڭ ناتيجە كورسەتىپ، 14-قاراشادا اۋرۋحاناعا جاتقىزىلدى.
ەكىنشى جۇقتىرعان ناۋقاس گونكونگقا 10-قاراشادا كەلىپ، سول كۇنى كارانتيندىك قوناقۇيگە ورنالاسقان. ودان 12 جانە 14-قاراشادا الىنعان تەست تەرىس ناتيجە كورسەتكەن، ءبىراق 18-قاراشادا وڭ ناتيجە كورسەتىپ، دەرەۋ اۋرۋحاناعا جىبەرىلدى.
كەيىنىرەك 11-14 قاراشا ارالىعىندا ەكى بولمەنىڭ سول جانە وڭ جاعىنداعى ءۇش بولمەدە توقتاعان 12 ادام Penny's Bay كارانتين ورتالىعىندا قوسىمشا مىندەتتى ەكى اپتالىق كارانتيننەن ءوتۋى كەرەك ەكەندىگى بەلگىلى بولدى.
دەنساۋلىق ساقتاۋ دەپارتامەنتى گونكونگ ۋنيۆەرسيتەتىنىڭ گەنومدىق سەكۆەنتسياسى ەكى ناۋقاستىڭ دا جاقىندا وڭتۇستىك افريكا مەن بوتسۆانادا تابىلعان ۆ.1.1.529 نۇسقاسىن جۇقتىرعانىن راستاعانىن مالىمدەدى.
ەسكە سالايىق، بۇدان بۇرىن ۇلى بريتانيا عالىمدارى بوتسۆانادا 32 مۋتاتسيادان تۇراتىن كوروناۆيرۋس شتاممى پايدا بولعانىن ەسكەرتكەن بولاتىن. كوپتەگەن مۋتاتسيالار ونىڭ جوعارى بەرىلۋ قابىلەتىن جانە ۆاكسينالارعا توزىمدىلىگىن كورسەتەدى، شتامم باسقا COVID-19 نۇسقالارىنا قاراعاندا كوپ وزگەرىستەرگە يە.