قاراعاندىدا 2 ميلليارد تەڭگەنى قولما- قول اقشاعا اينالدىرعان قىلمىستىق توپ ۇستالدى
6 ادامنان قۇرالعان ۇيىمداسقان قىلمىستىق توپ تەمىرتاۋ قالاسىندا جالعان بۋحگالتەرلىك قۇجاتتاردى جازىپ بەرۋ ارقىلى ادال ەمەس سالىق تولەۋشىلەرگە سالىق تولەۋدەن جالتارۋعا كومەكتەسۋ ماقساتىمەن قىزمەت ەتكەن. وسى ماقساتتا ۇقت باقىلاۋىنداعى 8 جالعان فيرما زاڭسىز قىزمەتكە تارتىلدى. قىلمىستىق ارەكەت سالدارىنان مەملەكەتكە تولەنبەگەن سالىق تۇرىندە شامامەن 200 ميلليون تەڭگە كولەمىندە زالال كەلدى.
قازىرگى ۋاقىتتا قىلمىستىق ءىس سوتقا جولداندى، توپتىڭ ۇيىمداستىرۋشىسى جانە سىبايلاستارىنىڭ ءبىرى قاماۋعا الىندى. زاڭسىز قولما- قول اقشاعا اينالدىرۋ قوعامدا ەكى ماڭىزدى ماسەلەنى - سالىقتاردىڭ تۇسپەۋىن جانە سىبايلاس جەمقورلىقتىڭ ءوسۋىن تۋدىرادى. ادال ەمەس كاسىپكەرلەردىڭ بيۋدجەتكە سالىق پەن باسقا دا تۇسىمدەردى تولەۋدەن جالتارۋىنان مەكتەپتەر، اۋرۋحانالار جانە باسقا دا الەۋمەتتىك ماڭىزى بار وبەكتىلەر سالۋعا قاجەتتى قاراجات تۇسپەيدى.
سونىمەن بىرگە، زاڭسىز قولما- قولعا اينالدىرىلعان اقشا پارا بەرۋ، پاراعا ساتىپ الۋ سەكىلدى ءبىرقاتار باسقا قۇقىق بۇزۋشىلىقتاردا پايدالانىلىپ، سول ارقىلى ەلىمىزدە سىبايلاس جەمقورلىقتىڭ كەڭىنەن تارالۋىنا سەبەپ بولادى.