زارداپ شەككەن ارىس پەن كەنتاۋ قالاسىندا جاعداي تۇراقتالدى. كەنتاۋ قالالىق جىلۋ ەلەكتر ستانساسى ىسكە قوسىلىپ، ەلەكتر جەلىلەرى جوندەلدى.
بۇل تۋرالى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ حابارلايدى.
ال، قالعان ءۇش اۋداندا ەلەكتر جەلىلەرىن قالپىنا كەلتىرۋ جۇمىستارى ءالى دە جالعاسۋدا. اۋا رايىنىڭ قولايسىزدىعىنان ەلەكتر سىمدارى ءۇزىلىپ، 2 مىڭنان استام ەلەكتر باعان قۇلاعان. 20 مىڭنان استام ابونەنت جارىقسىز قالعان.
«سيرەك كەزدەسەتىن قۇبىلىس. وتە قاتتى جاڭبىر، جەل، مۇز، اياز. سالدارىنان وبلىستا 2 مىڭنان استام ەلەكتر باعانالارى قۇلادى. سوعان بايلانىستى ءىس-شارا جاساۋىمىز كەرەك»، - دەدى وبلىس اكىمى ءومىرزاق شوكەيەۆ اپپارات وتىرىسىندا.
تابيعاتتىڭ توسىن مىنەز تانىتۋىنان ورىن العان اپاتتى جاعدايعا بايلانىستى شتاب قۇرىلىپ، ماسەلەنى وبلىس اكىمى ءومىرزاق شوكەيەۆ ءوز باقىلاۋىنا العان بولاتىن. وبلىس باسشىسى زارداپ شەككەن اۋدان اكىمدەرىنە قالپىنا كەلتىرۋ جۇمىستارىنا اتسالىسۋدى تاپسىردى. جيىندا ءسوز العان «وڭتۇستىك جارىق ترانزيت» كومپانياسىنىڭ باسشىلىعى ورداباسى اۋدانىنداعى جاعداي جاقىن ارادا تۇراقتالاتىنىن جەتكىزدى. ال، وتىرار مەن بايدىبەك اۋداندارىندا قايتا قالپىنا كەلتىرۋ جۇمىستارى ءبىر ايعا سوزىلماق.
«ءبىر اي دەگەندى ەستىمەيتىن بولايىن. ءبىر اپتانىڭ ىشىندە ءبارىن ورنىنا كەلتىرۋ كەرەك»، - دەپ كەسىپ ايتتى ءومىرزاق ەستاي ۇلى.
سوڭعى ەكى تاۋلىكتەن كەيبىر تابيعات اپاتىنان بولعان جاعداي بويىنشا قالىپقا كەلتىرۋ جۇمىستارى كۇنى-ءتۇنى جۇرگىزىلىپ جاتىر. وقيعا ورىندارىندا جارىق بەرۋشى كومپانيانىڭ 20 دان استام بريگاداسى مەن 100 دەن استام ادامى، 30 تەحنيكاسى جۇمىلدىرىلعان.