شىمكەنت قالاسى اكىمىنىڭ 2 ورىنباسارى قىزمەتتەن كەتتى
بۇل تۋرالى قازاقپارات ءتىلشىسى اكىمدىككە سىلتەمە جاساپ حابارلايدى.
ەربول ءابىلحايىر ۇلى 1973 -جىلى دۇنيەگە كەلگەن. ءبىلىمى جوعارى، ماماندىعى ەكونوميست. ەڭبەك جولىن 1994 -جىلدان سوزاق اۋداندىق ورتالىق اۋرۋحاناسى باس دارىگەرىنىڭ ەكونوميكا جونىندەگى ورىنباسارى بولىپ باستاعان.
1995-2009 -جىلدارى سوزاق اۋدانى اكىمشىلىگى ەكونوميكا ءبولىمىنىڭ باس مامانى، مەڭگەرۋشىسى، ەكونوميكا، شاعىن جانە ورتا بيزنەستى قولداۋ، كاسىپكەرلىكتى قولداۋ جانە دامىتۋ جونىندەگى بولىمدەرىنىڭ مەڭگەرۋشىسى، وبلىستىق كاسىپكەرلىكتى قولداۋ جونىندەگى باسقارما باسشىسىنىڭ ورىنباسارى، وبلىستىق ەكونوميكا جانە بيۋدجەتتىك جوسپارلاۋ باسقارماسى ينۆەستيتسيالىق ساياسات ءبولىمىنىڭ باسشىسى، وڭتۇستىك قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قىزمەتتەرىن اتقارعان.
2013-2017 و ق و اكىمىنىڭ ورىنباسارى، كەيىننەن تۇركىستان وبلىسى اكىمىنىڭ ورىنباسارى بولعان. 2019 -جىلدىڭ تامىز ايىنان شىمكەنت قالاسى اكىمىنىڭ ورىنباسارى قىزمەتىن اتقارعان بولاتىن.
ال، الماسبەك كەڭەسبەك ۇلى 1969 -جىلى تۋعان، ءبىلىمى جوعارى، ماماندىعى بويىنشا گەوگرافيا- بيولوگيا پاندەرىنىڭ وقىتۋشىسى، ەكونوميكا جانە بيزنەس مامانى. ەڭبەك جولىن 1994 -جىلى «قازاقستان» جاستار ورتالىعىنىڭ مەنەدجەرى بولىپ باستاعان ا. مامىتبەكوۆ 1994-2005 -جىلدار ارالىعىندا شىمكەنت قالاسىنىڭ ءبىرقاتار باسقارمالارىندا باس مامان، ءبولىم باستىعى قىزمەتتەرىن اتقارعان.
بۇدان بولەك، وڭتۇستىك قازاقستان وبلىسى ىشكى ساياسات باسقارماسىنىڭ باستىعى، وڭتۇستىك قازاقستان وبلىسى اكىمىنىڭ باس ينسپەكتورى، «Nur Otan» پارتياسى وڭتۇستىك قازاقستان وبلىسى فيليالى ءتوراعاسىنىڭ ءبىرىنشى ورىنباسارى، و ق و ورداباسى اۋدانىنىڭ اكىمى جانە تۇركىستان وبلىسى ەڭبەك ينسپەكتسياسى جونىندەگى باسقارما باسشىسى - تۇركىستان وبلىسىنىڭ باس مەملەكەتتىك ەڭبەك ينسپەكتورى قىزمەتتەرىن اتقارعان.
2020 -جىلدىڭ اقپان ايىنان شىمكەنت قالاسى اكىمىنىڭ ورىنباسارى قىزمەتىن اتقارعان.
اۆتور: اينۇر اقبايەۆا