2 - تامىزدان كەيىن كارانتين شارالارى جەڭىلدەيمە

نۇر- سۇلتان. قازاقپارات – ق ر باس مەملەكەتتىك سانيتارلىق دارىگەرى ايجان ەسماعامبەتوۆا كارانتيننەن كەيىنگى جاعداي قالاي ءوربيتىنى جونىندە سۇراققا جاۋاپ بەردى، دەپ حابارلايدى قازاقپارات ءتىلشىسى.

- باس سانيتار دارىگەر «ەكى اپتالىق كارانتين ءوتتى. الدا تاعى ەكى اپتا بار. ءدال وسى كارانتيندىك شارالار قالاي جۇرگىزىلسە، الداعى شارالار دا، كارانتيندى كۇشەيتۋ نەمەسە جەڭىلدەتۋ وسىعان تىكەلەي بايلانىستى بولادى» - دەپ جاۋاپ بەردى ا. ەسماعامبەتوۆا ورتالىق كوممۋنيكاتسيالار قىزمەتىندە وتكەن ونلاين بريفينگتە. ونىڭ ايتۋىنشا، ۆيتسە- پرەمەر ءتوراعالىق ەتەتىن ۆەدومستۆوارالىق كوميسسيا كارانتين شارالارىن جەڭىلدەتۋدىڭ ءتۇرلى نۇسقاسىن قاراستىرىپ جاتىر. بۇعان دەيىن سپيكەر ەكى اپتالىق كارانتيندە سىرقاتتار ءوسىمىنىڭ بولماعانىن مالىمدەگەن ەدى. «23 - شىلدەدە رەسپۋبليكا بويىنشا كوروناۆيرۋس ينفەكتسياسىنىڭ 76799جاعدايى تىركەلگەن. ونىڭ ىشىندە 48202 ناۋقاس نەمەسە ناۋقاستاردىڭ 63 پايىزى ەمدەلىپ شىقتى. سىرقات تانۋ تاۋلىگىنە 1600-1700 جاعداي دەڭگەيىندە تۇراقتاندى. 5- شىلدەدە قاتاڭ شەكتەۋ شارالارى ەنگىزىلگەن ساتتەن باستاپ ەكى اپتادا رەسپۋبليكادا كوروناۆيرۋستىڭ 21532 جاعدايى تىركەلدى. الدىڭعى ەكى اپتامەن سالىستىرعاندا سىرقاتتانۋ ءبىر دەڭگەيدە قالىپ وتىر»،- دەدى ا. ەسماعامبەتوۆا.