ق ر ءى ءى م توتەنشە جاعدايلار كوميتەتىنىڭ مالىمەتىنشە، ەكى وقيعا دا 29 -ءساۋىر كۇنى بولعان.
اتاپ ايتقاندا، مىرزاكەنت اۋىلىندا 2012 -جىلى دۇنيەگە كەلگەن بالا ابايسىزدا «دوستىق» ارناسىنا قۇلاپ، سۋعا باتىپ كەتكەن.
بالانىڭ دەنەسىن قايعىلى جايتقا كۋا بولعاندار سۋدان الىپ شىققان.
«ەكىنشى وقيعا دوستىق اۋىلىندا بولدى. ۇيدە ۇلكەندەردىڭ قاراۋىنسىز قالعان 2 جاسار ءسابي ەلەكتر رەزەتكىسىمەن ويناپ، توق سوققان. العان جاراقاتىنان ءسابي وقيعا ورنىندا كوز جۇمدى»، - دەپ اتاپ وتەدى كوميتەتتەن.
وسىعان وراي ق ر ءى ءى م توتەنشە جاعدايلار كوميتەتى الداعى ۋاقىتتا مۇنداي قايعىلى جايتتار ورىن الماۋى ءۇشىن ازاماتتاردى بالالارىنا قاۋىپسىزدىك نەگىزدەرىن ۇيرەتۋگە جانە بالالاردى ەرەسەكتەردىڭ قاراۋىنسىز قالدىرماۋعا، بارىنشا ساقتىق تانىتىپ، بالالاردىڭ قاۋىپسىزدىگىن قامتاماسىز ەتۋگە، تۇرمىستىق قۇرىلعىلار قوسىلاتىن رەزەتكىلەردى جاۋىپ قويۋعا، بالالاردى قاراۋسىز توعانعا، وزگە سۋ قويمالارىنا جىبەرمەۋگە شاقىرادى.
اۆتور: مارلان جيەمباي