بۇل تۋرالى ق ر ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ مالىمدەدى.
«تەستىلەۋ مەرزىمى ازىرگە وزگەرىسسىز قالىپ وتىر. ونى ماۋسىمنىڭ 22 سىندە باستايمىز دەپ جوسپارلاپ وتىرمىز. ەگەر پاندەميا سالدارىنان جاعداي وزگەرەر بولسا، بۇل مەرزىمدى قاراستىرىپ، تاعى ەكى اپتاعا سوزۋىمىز مۇمكىن»، - دەدى ديدار سماعۇلوۆ قازاقپارات تىلشىسىنە بەرگەن جاۋابىندا.
سونىمەن بىرگە، بيىلعى تەستىلەۋدە تۇلەكتەردىڭ دەنە قىزۋىن ولشەۋ، اۋديتورياداعى ادام سانىن ازايتۋ سىندى قاۋىپسىزدىك شارالارى قاراستىرىلادى.
«تەستىلەۋدە ادەتتە ءبىر اۋديتوريادا 100-150 ادام وتىراتىن. قازىر 50 ادامنان وتىرعىزۋدى ۇيعاردىق. ەپيدەميولوگيالىق جاعداي قيىنداسا، 30 ادامنان، ءتىپتى 25 ادامنان قالدىرامىز. ءار تۇلەكتىڭ اينالاسىندا 2-2,5 مەتر قاشىقتىق ساقتالۋى كەرەك. ول ءۇشىن اۋدانداردا عيمارات جەتكىلىكتى، بارلىعىن ەسەپتەپ شىقتىق. ەش قيىندىق بولمايدى»، - دەدى د. سماعۇلوۆ.
بۇعان دەيىن ديدار سماعۇلوۆ ۇ ب ت- عا 11-سىنىپتىڭ ءتورتىنشى توقسانىنان جاڭا سۇراقتار بولمايتىنىن تۇسىندىرگەن ەدى.