بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى.
«كومەك سۇراپ حابارلاسقان ءبىرىنشى ازامات شەرۋ بولعان كوشەلەر ارقىلى اۋەجايعا جەتكىزۋدى سۇرادى. ءبىز وعان كومەك كورسەتتىك. ەكىنشى ازامات تەلەفون ارقىلى حابارلاسىپ، ەير استانا اۋە كومپانياسىنىڭ «الماتى - گونكونگ» رەيسى تۋرالى اقپارات سۇرادى» ، - دەدى ا. سمادياروۆ ق ر س ءى م وتكەن بريفينگتە.
ونىڭ ايتۋىنشا، ازىرگە بارلىق رەيس قالپىنا كەلتىرىلگەن جانە كەستەگە سايكەس ۇشىرىلۋدا. قازاقستاندىقتار ەش كەدەرگىگە ۇشىراپ جاتقان جوق.
بۇعان دەيىن دە گونكونگتاعى (ق ح ر) جاعدايدىڭ شيەلەنىسۋىنە جانە جاپپاي نارازىلىق اكسيالارىنىڭ جالعاسۋىنا بايلانىستى قازاقستاننىڭ گونكونگتاعى باس كونسۋلدىعى ءبىزدىڭ ازاماتتارعا قالادا قالىپتاسقان توتەنشە جاعدايدى ەسكەرتكەن ەدى.
ونداعى نارازىلىق ماۋسىم ايىنىڭ باسىندا كوتەرىلدى. ەرەۋىلگە شىققاندار گونكونگتاعى قۇقىق بۇزۋشىلاردى قۇرلىقتىق قىتايعا ەكستراداتسيالاۋ تۋرالى زاڭ جوباسىنا قارسى.