ونىڭ ايتۋىنشا، قازىردىڭ وزىندە گازدى شامامەن 9 ميلليون قازاقستاندىق تۇتىنىپ وتىر. ال ەلوردانى گازبەن قامتۋ جوباسى جوسپارعا ساي جۇرگىزىلۋدە.
«2019-2021 -جىلداردا وبلىستا 100-دەن استام جوبا ىسكە اسىرىلاتىن بولادى. ال سارىارقا گاز قۇبىرى كەستەگە سايكەس سالىنىپ جاتىر. قازىرگى ۋاقىتتا جەزقازعان قالاسىنا جاقىن جەردە دانەكەرلەۋ جۇمىستارى جۇرگىزىلۋدە. بۇگىنگى كۇنگە شامامەن 420 ك م قۇبىر دانەكەرلەندى. بۇل جالپى گاز قۇبىرىنىڭ % 40- ىن قۇرايدى»، - دەيدى قانات بوزىمبايەۆ.
باس ەنەرگەتيك ەلوردامەن بىرگە، ءبىرىنشى كەزەڭدە قاراعاندى، تەمىرتاۋ، جەزقازعان، ساتبايەۆ، ساران، شاحتينسك قالالارىنىڭ 171 ەلدى مەكەنى گازبەن جابدىقتالاتىنىن جەتكىزدى.
«اتالمىش ەلدى مەكەندەردىڭ 142 مىڭ تۇرعىنى گازعا قول جەتكىزەدى. جالپى جىل اياعىنا دەيىن ەلدىڭ گازداندىرۋ دەڭگەيىن % 50 - دان اسىرۋ كۇتىلۋدە»، - دەدى ول.
ءمينيستردىڭ مالدىمەتىنشە، نۇر- سۇلتان قالاسىنا گاز تارتۋ جۇمىسىنا 2200 ادام تارتىلعان.
«قازىرگى تاڭدا دانەكەرلەۋ جۇمىستارىنىڭ ورتاشا قارقىنى كۇنىنە 7-8 شاقىرىم. دانەكەرلەۋ جاپسارلارىن تەگىستەۋ، وقشاۋلاۋ، ترانشەيالارداعى قۇبىرلاردى توسەۋ جانە كومۋ جۇمىستارىنا 2200 استام ادام مەن 700 جۋىق ارنايى تەحنيكا جۇمىلدىرىلعان»، - دەدى قانات بوزىمبايەۆ.
اۆتور: ەسىمجان ناقتىباي