بۇل تۋرالى قوستاناي وبلىسى ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ باسشىسى ءداۋىت جۇمابايەۆ ايتتى، دەپ حابارلايدى قازاقپارات.
وتكەن جىلى زاڭسىز تۇردە 72 كيىك اتىلدى، ونىڭ ىشىندە 70 ى - اتالىق. مەملەكەتكە بارلىعى 257,5 ميلليون تەڭگە شىعىن كەلتىرىلگەن
«براكونەرلىك فاكتىلەردەن باسقا دەريۆاتتاردى (اقبوكەن ءمۇيىزىن) زاڭسىز ساقتاۋ جانە تاسىمالداۋعا بايلانىستى 4 وقيعا ەسەپكە الىندى. 3 فاكتى بويىنشا قىلمىسكەرلەر انىقتالىپ، قىلمىستىق جاۋاپكەرشىلىككە تارتىلدى. بارلىعى 127 دانا اقبوكەن ءمۇيىزى تاركىلەندى»، - دەيدى ۆەدومستۆو باسشىسى.
سونىمەن قاتار ينسپەكسياسى ماماندارى رەيدتىك شارالار وتكىزۋ بارىسىندا توبىل كەنتىنىڭ تۇرعىنىن ۇستادى. ول «قىزىل كىتاپقا» ەنگەن شيقىلداق قازدى اتقان.
قامىستى اۋداندىق سوتىنىڭ شەشىمى بويىنشا ول زاڭسىز ولجالانعان قۇس ءۇشىن 721500 تەڭگە مەملەكەت شىعىنىن تولەپ، 2 جىل مەرزىمگە باس بوستاندىعىنان ايىرىلدى.