رەسەي قازاقستاننان اكەلگەن 2 توننا المانى نەگە تاپتاپ تاستادى
17:32, 03 - ءساۋىر 2019
نۇر-سۇلتان. قازاقپارات - رەسەي پولشاعا قارسى شارالارىن كۇشەيتپەك.
رەسەيدىڭ اۋىل شارۋاشىلىعىن باقىلايتىن ورگان قازاقستاننان اكەلىنگەن 2 توننا المانى حالىقتىڭ كوزىنشە اۋىر تەحنيكامەن مىجىپ تاستادى.
وعان سەبەپكەر بولعان باستى جاعداي، المانىڭ قازاقستاندا ەمەس، پولشادا ءوسىرىلۋى مۇمكىن دەگەن كۇدىكتىڭ تۋىنداۋى.
رەسەي 2014 -جىلدىڭ 1 -تامىزىنان باستاپ، پولشا تاراپىنان كىرگىزىلگەن الما، ورىك، شيە، شابدالى جانە ت. ب جەمىستەردىڭ كوزىن جويىپ كەلەدى. وعان باستى سەبەپ ساۋدا قاتىناسىنداعى سەرتيفيكاتتىڭ دۇرىس بولماۋى. الايدا ونىڭ ساياسي استارى بار دەيدى ساراپشىلار. ويتكەنى اتالمىش شەشىم رەسەيدىڭ باتىس ەلدەرىمەن قارىم-قاتىناسىنىڭ سۋۋ ساتىمەن تۇسپا- تۇس كەلەدى.