الەمدە 2-رەت ادامنىڭ يممۋن تاپشىلىعى ۆيرۋسىن جۇقتىرعان ەر ادام جازىلدى

 استانا. قازاقپارات -  ۇلى بريتانيادا ەر ادام ا ي ت ۆ ىندەتىنەن جازىلدى.

بۇل الەمدەگى ادامنىڭ يممۋن تاپشىلىعى ۆيرۋسىنان ايىققان ەكىنشى رەسمي تىركەلگەن ادام، - دەپ حابارايدى Reuters سايتى.

انگليادا ەر ادامعا ا ي ت ۆ-ينفەكسياسىنا قارسى يممۋنيتەتى جاقسى دونوردىڭ كەمىك مايىن اۋىستىرعاننان كەيىن ەمدەلدى. ەر ادام قاتەرلى ىسىكتەن ەمدەلىپ جۇرگەندىكتەن ترانسپلانتاتسيا قاجەت بولدى. ونىڭ دونورى سيرەك گەنەتيكالىق مۋتاتسياعا يە، سەبەبى سۇيەك كەمىگىنىڭ دىڭگەكتى جاسۋشالارى ۆيرۋسقا قارسى توتەپ بەرە الادى.

بۇل وتا ءۇش جىل بۇرىن جاسالعان، 18 اي بۇرىن دارىگەرلەر انتيرەتروۆيرۋسقا قارسى پرەپاراتتاردى قابىلداۋدى توقتاتتى، ال جوعارى سەزىمتال تەستىلەر بۇرىنعىشا ەر ادامنىڭ بويىنان ج ق ت ب- نى تاپپايدى.

«وندا انىقتاۋعا بولاتىن ۆيرۋس جوق. ءبىز ەشتەڭە تابا المادىق»، - دەيدى ەر ادامدى ەمدەيتىن دارىگەرلەر توبىنىڭ باسشىسى، ا ي ت ۆ بويىنشا پروفەسسور جانە بيولوگ راۆيندرا گۋپتا.

دارىگەرلەردىڭ ايتۋىنشا، ءبىر كۇنى عالىمدار ج ق ت ب- دان ارىلۋدىڭ جولىن تابا الادى، الايدا بۇل پرەتسەدەنت ا ي ت ۆ-دان ءدارى تابىلدى دەگەندى بىلدىرمەيدى. كەمبريدج ۋنيۆەرسيتەتىندە جۇمىس ىستەيتىن گۋپتا ءوز پاتسيەنتىن(ناۋقاسىن) «فۋنكسيونالدى ساۋ» جانە «رەميسسيا ساتىسىنداعى پاتسيەنت» دەپ سيپاتتاعان، ءبىراق «ول ەمدەلدى دەپ ايتۋعا ەرتە» دەپ ەسكەرتكەن.

بۇل ادامدى «لوندوندىق پاتسيەنت» دەپ اتايدى، سەبەبى ونىڭ جاعدايى ا ي ت ۆ- دان فۋنكسيونالدى ەمدەلگەن العاش ادامنىڭ جاعدايىنا ۇقساس. امەريكالىق تيموتي براۋن 2007 -جىلى گەرمانيادا وسىنداي ەمدەۋدەن وتكەن، ول دا ا ي ت ۆ- دان ەمدەلگەن. براۋن قازىر امەريكا قۇراما شتاتتارىندا تۇرادى، ا ي ت ۆ جونىندەگى ساراپشىلاردىڭ ايتۋىنشا، ونىڭ دەنى ساۋ. قازىرگى تاڭدا بۇكىل الەمدە 37 ميلليونعا جۋىق ادام ا ي ت ۆ جۇقتىرعان جانە ج ي ت س ىندەتى باستالعاننان بەرى، 1980-جىلداردىڭ باسىنان باستاپ، الەمدە شامامەن 35 ميلليون ادام قايتىس بولعان. عىلىمي زەرتتەۋلەردىڭ ارقاسىندا، قازىر ا ي ت ۆ دامۋىن تەجەيتىن دارىلەر بار. «لوندوندىق پاتسيەنت» ا ي ت ۆ- نى 2003 -جىلى جۇقتىرعان، ال 2012 -جىلى حودجكين ليمفوماسى دەپ اتالاتىن «قان قاتەرلى دەرتىنىڭ» دياگنوزى قويىلعان.

Kaz.tengrinews.kz