ب ا ق وكىلدەرىمەن بىرگە جۇرگەن ەنەرگەتيكا باسقارماسىنىڭ باسشىسى باقىتبەك جاپايەۆتىڭ جول كورسەتۋىمەن تىلشىلەر توبى قالاداعى ءبىرقاتار مەكەنجايلارعا ات باسىن تىرەدى.
الدىمەن ت ە س-2-گە باس سۇققان جۋرناليستەر قالانىڭ وڭتۇستىك-شىعىس اۋدانىنا ايالداپ، ونداعى جەكەمەنشىك سەكتورداعى ۇيلەردىڭ مورجاسىنان شىعىپ جاتقان ءتۇتىننىڭ اتموسفەرالىق اۋانى قانشالىقتى لاستاپ جاتقانىن باقىلادى.
جۇمىس توبىنىڭ ساپارى «قازاقستان عارىش ساپارى» ۇلتتىق كومپانياسىنىڭ قازاندىعىنا سوڭىنا جەتتى. مامانداردىڭ سوزىنە سۇيەنسەك، الداعى جىلدارى ج ە و-2 گازبەن جىلىتۋ جۇيەسىنە كوشىرىلمەك. ازىرگە دايىندىق جۇمىستارى ءجۇرىپ جاتىر. «استانا-ەنەرگيا» ا ق باسقارما ءتوراعاسىنىڭ ورىنباسارى ولەگ ۋتكيننىڭ سوزىنە سۇيەنسەك، ج ە و-2 گازبەن جىلىتۋ جۇيەسىنە بىرتىندەپ اۋىستىرىلاتىن بولادى.
«گازبەن جىلىتۋ جۇيەسىنە كوشكەن كۇندە دە ج ە و-2 باستاپقىدا جارتىلاي گازبەن، جارتىلاي كومىر وتىنىمەن جىلۋ بەرەتىن بولادى. ال قازىرگى تاڭدا قۇرىلىسى جۇرگىزىلىپ جاتقان ج ە و-3 بىردەن گازبەن جىلىتۋ جۇيەسى بويىنشا جۇمىس ىستەۋگە قاۋقارلى»، - دەيدى ولەك ۋتكين.