ديماش قۇدايبەرگەننىڭ جانكۇيەرلەرى سانى 2 ميلليارد ادامعا جەتتى
بۇل تۋرالى بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى مالىمدەدى، دەپ حابارلايدى «قازاقپارات» ح ا ا ءتىلشىسى.
«ديماش قۇدايبەرگەن مينيسترلىكتىڭ قولداۋىمەن 2016-جىلى «سلاۆيان بازارى» حالىقارالىق كونكۋرسىنا قاتىسىپ، باس جۇلدەنى جەڭىپ الدى. قازىرگى تاڭدا ول قىتايداعى «Singer» كاسىبي ورىنداۋشىلار بايقاۋىندا جوعارى دەڭگەيدە ونەر كورسەتۋدە. اتاپ ءوتۋ كەرەك، ديماشتىڭ قاتىسۋىمەن كونكۋرستىڭ كورسەتىلىمى 2 ميلليارد كورەرمەننەن اسۋدا. دەمەك، ولار - ايمان مۇساقوجايەۆا باسقارىپ وتىرعان ۇلتتىق ونەر ۋنيۆەرسيتەتى 3- كۋرس ستۋدەنتىنىڭ جانكۇيەرلەرى بولىپ تابىلادى. بۇل، مەملەكەت باسشىسى اتاپ وتكەندەي، يميدجدىك جوبالار، ياعني سپورت پەن مادەنيەت ارقىلى قازاقستاننىڭ جەتىستىگىن الەمگە پاش ەتۋىمىز كەرەك»، - دەدى مۇحامەدي ۇلى استاناداعى ۆەدومستۆو القاسىنىڭ وتىرىسىندا.
مادەنيەت ءمينيسترى مادەني ساياساتتىڭ تۇجىرىمىنا سايكەس، 2014-جىلدان باستاپ ەلىمىزدەگى بارلىق شىعارماشىلىق ورىنداردىڭ مادەنيەت مينيسترلىگىنىڭ قاراماعىندا ەكەندىگىن ەسكە سالىپ ءوتتى.
ولاردىڭ بارلىعى كوپ دەڭگەيلى دۋالدى ءبىلىم بەرۋ جانە دارىندىلاردى مەكتەپ قابىرعاسىنان باستاپ ۇلكەن ساحناعا دەيىن ۇزدىكسىز قولداۋ تانىتۋ قاعيداسى بويىنشا جۇمىس جاساۋدا.
«مۇنىڭ ايقىن دالەلى رەتىندە ديماش قۇدايبەرگەندى ايتا الامىز. ول بالالار مۋزىكالىق ستۋدياسىندا فورتەپيانو جانە ۆوكال سىنىبى بويىنشا ءبىلىم الىپ ءجۇرىپ، «اينالايىن» حالىقارالىق شىعارماشىلىق كونكۋرسىنىڭ لاۋرەاتى اتانعان. ا. جۇبانوۆ اتىنداعى مۋزىكالىق كوللەدجدە ءبىلىم جولىن جالعاستىردى. 2014-جىلى قازاق ۇلتتىق ونەر ۋنيۆەرسيتەتىنىڭ ستۋدەنتى اتاندى»، - دەپ اتاپ ءوتتى مينيستر.
ەسكە سالا كەتەيىك، ديماش قۇدايبەرگەن قىتايدا ءوتىپ جاتقان «Singer» بايقاۋىنىڭ 6-كەزەڭىندە الەمگە تانىمال ءانشى لارا فابياننىڭ رەپەرتۋارىنان «Adagio» ءانىن ورىنداپ، ءبىرىنشى ورىندى يەلەندى.