قازاقستاندا تەراكتىنىڭ الدىن الاتىن اقپارات بەرگەن ادامعا 2 ميلليون تەڭگەدەن كوپ سىياقى بەرىلمەك
13:16, 17 - قاراشا 2016
استانا. قازاقپارات - قازاقستان ۇكىمەتى تەراكت جاسالاتىنى تۋرالى حابارلاپ، الدىن الا اقپارات بەرگەن ادامعا سىياقى بەرمەك دەپ حابارلايدى «ازاتتىق».
رەسمي ب ا ق- تىڭ 17- قاراشادا حابارلاۋىنشا، 2017-جىلدىڭ قاڭتارىنان باستاپ كۇشىنە ەنەتىن قاۋلىدا تەراكتىنى بولدىرماۋعا نەمەسە الدىن الۋعا كومەكتەسەتىن اقپاراتتى حابارلاعان ادامعا 750 ايلىق ەسەپتىك كورسەتكىشتەن (ءبىر ا ە ك - 2121 تەڭگە) 1000 ا ە ك- كە دەيىن ءبىر رەتتىك سىياقى بەرۋ قاراستىرىلعان.
سىياقى تەرروريزمگە قارسى ءىس-قيمىلدى ۇيلەستىرۋ سالاسىنداعى ۋاكىلەتتى مەملەكەتتىك ورگان ەسەبىنەن تولەنەدى.
تەراكتى تۋرالى اقپارات بەرگەن ادام سىياقىدان باس تارتسا، ول تۋرالى ۋاكىلەتتى ورگاننىڭ ايماقتىق ورگانىنا ول تۋرالى حابارلاۋى ءتيىس.