پارا الۋ كۇدىگىمەن ۇستالعان اۋداندىق پروكۋراتۋرا قىزمەتكەرى 2 ايعا قامالدى
04:28, 23 - قازان 2016
استانا. قازاقپارات - پارا الۋ كۇدىگىمەن ۇستالعان اقمولا وبلىسىنا قاراستى اۋداندىق پروكۋراتۋرا قىزمەتكەرى 2 ايعا قاماۋعا الىندى، دەپ حابارلايدى قازاقپارات.
«استانا قالاسى الماتى اۋدانىنىڭ №2 -سوتى باس پروكۋروردىڭ اعا كومەكشىسى - جەدەل- تەرگەۋ توبى جەتەكشىسىنىڭ پارا الدى دەگەن كۇدىكپەن ۇستالعان اقمولا وبلىسىنا قاراستى اۋداندىق پروكۋراتۋرالاردىڭ ءبىرىنىڭ قىزمەتكەرىن 2 ايعا دەيىن قاماۋعا الۋ ۇسىنىسىن تولىقتاي قولدادى»، - دەلىنگەن ەلىمىزدىڭ باس پروكۋراتۋراسىنىڭ باسپا ءسوز قىزمەتى تاراتقان اقپاراتتا.
ەستەرىڭىزگە سالا كەتەيىك، 18 -قازاندا باس پروكۋراتۋرانىڭ ىشكى قاۋىپسىزدىك باسقارماسى اۋداندىق پروكۋراتۋرا قىزمەتكەرىن «م» دەگەن ازاماتشادان پارا الۋ ۇستىندە ۇستاعاندىعىن حابارلاعان بولاتىن.