وسكەمەن تۇرعىنى ءوز ەركىمەن پوليتسياعا 2 كەلى گەروين تاپسىرعان
04:15, 14 - تامىز 2015
استانا. قازاقپارات - وسكەمەندە ايەل ادام ءوز ەركىمەن پوليتسياعا شامامەن 2 كەلى گەروين تاپسىرعان.
ول ءتارتىپ ساقشىلارىنا ەسىرتكى زاتى كولونيادا جازاسىن وتەپ جاتقان ازاماتتىق نەكەدەگى كۇيەۋىنە تيەسىلى ەكەنىن ايتقان، دەپ حابارلادى YK-news.kz.
ش ق و ءى ءى د اقپاراتىنشا، اعىمداعى جىلدىڭ ماۋسىمىندا پوليتسەيلەر ازاماتتى ءىرى پارتيا ەسىرتكى زاتىمەن ۇستاعان. ەر ادامدى 10 جىلعا بوستاندىعىنان ايىرعان. ول قازىر جازاسىن وتەپ جاتىر.
«جۋىردا ونىڭ 42 جاستاعى ازاماتتىق ايەلى تاعى 1967 گرامم گەرويندى تاپتى، - دەدى ش ق و ءى ءى د باسپا ءسوز قىزمەتىنىڭ باستىعى باحىتجان تورعايەۆ. - ول تابىلعان زاتتى پوليتسياعا تاپسىردى. ونىڭ سوزىنە قاراعاندا، بۇل ازاماتتىق نەكەدەگى كۇيەۋىنىڭ مەنشىگى. پوليتسەيلەر بۇل اقپاراتتى تەكسەرىپ جاتىر».