ەڭ قىمبات جارناما: جارتى مينۋتى 2 ميلليون دوللار
08:33, 23 - اقپان 2015
استانا. قازاقپارات - «وسكار» سىيلىعىن تابىستاۋعا ارنالعان سالتاناتتى شارانى تىكەلەي ەفيردەن كورسەتۋ بارىسىندا بەرىلەتىن 30 سەكۋندىق جارناما قۇنى 2 ميلليون دوللار تۇرادى ، دەپ جازادى روس بالت.
«بۇل وتكەن جىلمەن سالىستىرعاندا، 8 پايىزعا كوپ، جارناماعا بەرىلگەن بارلىق ۋاقىت ساتىلىپ كەتتى»، - دەپ مالىمدەدى АВС تەلەكومپانياسىنىڭ وكىلى.
ساراپشىلاردىڭ ايتۋىنشا، جارناما اگەنتتىكتەرى تىكەلەي كورسەتىلىمدى جوعارى باعالايدى.
ەسكە سالا كەتەيىك، «وسكار» سىيلىعىنىڭ 87- ماراپاتتاۋ ءراسىمى جەكسەنبىدە وتەدى. سالتاناتتى شارا جەرگىلىكتى ۋاقىت بويىنشا 17:30 - دا باستالادى.