بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنەن حابارلادى.
بۇگىن، 29 - قاڭتاردا ءا. شاياحمەتوۆانىڭ اياق سۇيەكتەرىنە 4 وتا جاسالدى.
قازىرگى ۋاقىتتا ول جانساقتاۋ بولىمىندە جاتىر. ناۋقاستىڭ جاعدايى ورتاشا اۋىرلىقتا، تۇراقتى.
ەسكە سالا كەتەيىك، 20 - قاڭتاردا جامبىل وبلىسىندا ان-2 ۇشاعىنىڭ اپاتىنان كەيىن ءتىرى قالعان اسەم شاياحمەتوۆا شۋ قالالىق اۋرۋحاناسىنا جەتكىزىلگەن. ول كەزدە جاعدايى اۋىر بولعان. جانساقتاۋ جاعدايىندا وعان شوكقا قارسى، باكتەريالارعا قارسى تەراپيا جانە ەريتروتسيتارلىق كولەممەن گەموتراسفۋزيا جاسالدى.
2015 - جىلى 21 - قاڭتاردا ەمدەۋ ءادىسىن انىقتاۋ ءۇشىن شۋ قالاسىنا استانادان 3 جانە تارازدان 2 دارىگەر كەلدى. ناۋقاستى ەلورداعا جەتكىزۋ تۋرالى شەشىم قابىلداندى.
22 - قاڭتاردا ءا. شاياحمەتوۆا سانيتارلىق اۆياتسيامەن استاناعا جەتكىزىلىپ، №1 قالالىق اۋرۋحاناعا جاتقىزىلدى. ونىڭ دەنساۋلىعىن تەكسەرۋ كەزىندە ميىنىڭ زاقىم العانى، بەت سۇيەگىنىڭ، بەل ومىرتقاسىنىڭ سىنعانى جانە ەكى اياعىنىڭ اشىق جانە جابىق تۇردە سىنعانى انىقتالدى.