زەينەتكەر 2 كەلى التىندى قىتايعا الىپ وتپەك بولعان
15:32, 13 - قازان 2014
استانا. قازاقپارات - ر ف زابايكالسك ولكەسىندەگى پەرۆومايسك كەنتىندە تۇراتىن زەينەتكەر ەل اۋماعىنان ەكى كەلى التىندى شىعارۋعا ارەكەت جاساعانى ءۇشىن شارتتى تۇردە ءتورت جىلعا باس بوستاندىعىنان ايىرىلدى.
زابايكالسك اۋداندىق سوتى وسىنداي شەشىمدى قابىلدادى، دەپ حابارلادى دۇيسەنبىدە وڭىرلىك ف ق ق ب باسپا ءسوز قىزمەتىنەن.
«ەر ادام ءىرى كولەمدەگى باعالى مەتالدى جاسىرىن ساقتاعانى جانە تاسىمالداعانى جانە ونى كونراباندالىق جولمەن ر ف شەكاراسىنان الىپ وتپەكشى بولعانى ءۇشىن ايىپتى دەپ تانىلدى. شارتتى جازانى تاعايىنداۋدا زەينەتكەرلىك جاسى ەسكەرىلدى» ، - دەپ قوستى ف ق ق ب- دان.
ۆەدومستۆونىڭ حابارلاۋىنشا، قارتتى 20 - ناۋرىزدا قىتايمەن شەكاراداعى زابايكالسك وتكىزۋ پۋنكتىندە ۇستاعان. ونىڭ كولىگىن تەكسەرۋ كەزىندە جالپى قۇنى 2,5 ميلليون رۋبل بولاتىن التىن قۇيما ورالعان ءۇش وراما تابىلدى.