وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، كۇدىككە ىلىنگەن ءۇش ادام تۇنگى مەزگىلدە ۇرلىق جاساۋعا شىققان.
«اتىراۋ قالاسىنىڭ پوليتسيا باسقارماسىنا №2-قالالىق پوليتسيا ءبولىمىنىڭ قىزمەتكەرلەرى 29 اۆتوكولىكتىڭ بولشەكتەرىن جاسىرىن جىمقىردى دەگەن كۇدىكپەن ءۇش ادامدى انىقتاپ، ۇستادى. ۇرلىق جاساعان ءۇش كۇدىكتى - اتىراۋ قالاسىنىڭ تۇرعىندارى. كۇدىكتىلەر 25-26-قازان كۇندەرى تۇنگى مەزگىلدە ءارتۇرلى اۆتوكولىك بولشەكتەرىن، سونداي- اق، كولىك ىشىندە قالدىرىلعان اقشالاي قاراجاتتاردى قولدى ەتكەن. جابىرلەنۋشىلەرگە كەلتىرىلگەن زالال مولشەرى - 2,5 ميلليون تەڭگەگە جۋىق»، - دەپ حابارلادى دەپارتامەنتتىڭ باسپا ءسوز قىزمەتى.
قازىر پوليتسيا قىزمەتكەرلەرى ۇستالعان كۇدىكتىلەرگە قاتىستى ق ر قىلمىستىق كودەكسىنىڭ 188-بابىنىڭ 3-بولىگىنىڭ 2-3-تارماقتارىنا سايكەس سوتقا دەيىنگى تەرگەپ-تەكسەرۋ امالدارىن جۇرگىزۋدى باستادى. كۇدىكتىلەرگە قاتىستى 26 قىلمىستىق ءىس تىركەلگەن.
ەسكە سالا كەتەلىك، بۇعان دەيىن اتىراۋدا كولىكتەن 20 ميلليون تەڭگە ۇرلاعان كۇدىكتى ۇستالعانىن حابارلاعان ەدىك.
«اقتوبە- اتىراۋ- رەسەي فەدەراتسياسىنىڭ شەكاراسى» باعىتىنا قاتىنايتىن تاس جولدىڭ بويىندا تۇرعان «DAF» ماركالى اۋىر جۇك كولىگىنىڭ سالونىنان 20 ميلليون 445 مىڭ تەڭگە سالىنعان سومكە ۇرلانعان. قوماقتى قاراجاتتى قولدى ەتكەن 23 جاستاعى كۇدىكتى ماقات اۋدانىنىڭ اۋماعىنان ۇستالدى. قازىر كۇدىكتىگە قاتىستى ق ر قىلمىستىق كودەكسىنىڭ 188-بابىنىڭ 4-بولىگىمەن سوتقا دەيىنگى تەرگەۋ ءجۇرىپ جاتىر.