«قازگيدرومەدتىڭ بولجامىنا سايكەس، ناۋرىزدىڭ ءۇشىنشى توقسانىندا اۋا رايى قۇبىلمالى، قارلى، جاۋىن-شاشىندى، بۇرقاسىندى بولىپ كەلەدى. دەمالىستان كەيىن كۇن جىلىنىپ، جاۋىن-شاشىن بولۋى ىقتيمالدىعى جوعارى. قازگيدرومەت پەن ت ج د- نىڭ بىرلەسكەن بۇيرىعىمەن جوسپار بەكىتىلگەن. اتالعان قۇجاتقا سايكەس اقپان جانە ناۋرىز ايىندا نۇر-سۇلتان قالاسىنىڭ توڭىرەگىندە، 150 شاقىرىمدى راديۋستا قاردىڭ ىلعالدىلىعىن، توپىراقتىڭ قاتۋىن تەكسەرۋ جۇمىستارى ءجۇرىپ جاتىر. اقپاننىڭ 22-26 - كۇندەرىندە جۇرگىزىلگەن جۇمىستىڭ ناتيجەسىندە توپىراقتىڭ قاتۋى 84 س م قۇراعانى انىقتالدى. بىلتىر اقپاندا توپىراقتىڭ قاتۋۋ 66 س م بولعان ەدى. ياعني بيىل 30 پايىزعا جوعارى. وعان قوسا قارداعى ىلعالدىلىق قور بىلتىرعىدان 20-30 پايىزعا تومەن»، - دەيدى ول.
ونىڭ اتاپ وتۋىنشە، ءدال وسىنداي جۇمىس ناۋرىزدىڭ 25-26 - كۇندەرى جۇرگىزىلەدى.
«2020-جىلدىڭ سوڭىندا ەلوردا اۋماعىندا سۋ باسۋ قاۋپى بار 29 ۋچاسكە بەلگىلەنگەن. ال، 2019، 2020-جىلدارى سۋ باسۋ قاۋپى بار ۋچاسكەلەردىڭ سانى 37 ءى ەدى. دەمەك، توقتاۋسىز اتقارىلعان جۇمىستارىمىزدىڭ ارقاسىندا مۇنداي ۋچاسكەلەردىڭ سانى 8 گە ازايدى. قازىرگى ۋاقىتتا اتالعان سۋ باسۋ قاۋپى بار ۋچاسكەلەردە قار شىعارۋ، سۋ اعاتىن ارىقتاردى تازالاۋ جۇمىستارى قارقىندى جۇرگىزىلىپ جاتىر.
جالپى، بۇگىنگى كۇنگە دەيىن قالا اۋماعىنان 1 ميلليون 400 مىڭ تەكشە مەترگە جۋىق قار شىعارىلدى. 11 قار شىعاراتىن پوليگون بار، ولاردىڭ ەشقايسىسى تولعان جوق. بىلتىر وسى ۋاقىتتا قالا بويىنشا 6 ميلليون تەكشە مەتر قار شىعارىلعان ەدى»، - دەدى باۋىرجان بەيسەنقانوۆ.